கே. வி. ஆனந்த்

கே. வி. ஆனந்த் (K. V. Anand, 30 அக்டோபர் 1966 – 30 ஏப்ரல் 2021) ஒரு தென்னிந்தியத் திரைப்பட ஒளிப்பதிவாளரும், இயக்குநரும் ஆவார். இவர் கனா கண்டேன் (2005), அயன் (2009) திரைப்படங்கள் மூலம் மக்களிடையே சிறந்த இயக்குநராகப் பெயர் பெற்றார். அதற்கு முன்னரே, பல இந்தி, தமிழ், மலையாளம், தெலுங்குத் திரைப்படங்களுக்கு ஒளிப்பதிவாளராகப் பணியாற்றி உள்ளார். 1995-ஆம் ஆண்டு அவர் ஒளிப்பதிவாளராக பணியாற்றிய முதல் திரைப்படம் தென்மாவின் கொம்பத்து என்ற மலையாளத் திரைப்படத்திற்காக சிறந்த ஒளிப்பதிவிற்கான தேசிய விருது பெற்றுள்ளார். 1999ஆம் ஆண்டு சங்கரின் இயக்கத்தில் வெளிவந்த முதல்வன் திரைப்படத்தில் பணியாற்றினார். அப்போது தனது நுட்பமான ஒளிப்பதிவு திறமைக்காகவும், பிரம்மாண்டத்திற்காகவும் பாராட்டப்பட்டார்.^[3]

கே. வி. ஆனந்த்
பிறப்பு	(1966-10-30)30 அக்டோபர் 1966 பூங்கா நகர், சென்னை, தமிழ்நாடு, இந்தியா
இறப்பு	30 ஏப்ரல் 2021(2021-04-30) (அகவை 54) [1] சென்னை,தமிழ்நாடு, இந்தியா
தேசியம்	இந்தியர்
பணி	ஒளிப்பதிவாளர் திரைப்பட இயக்குநர்
செயற்பாட்டுக் காலம்	1994–2021
பெற்றோர்	வெங்கடேசன் அனசூய வெங்கடேசன்
பிள்ளைகள்	சினேகா சாதனா[2]

இளமைக் காலம்

ஆனந்த் 1966 அக்டோபர் 30 அன்று இந்தியாவின், தமிழ்நாடு மாநிலத்தில் உள்ள சென்னையில் கரிமனல் முணுசாமி வெங்கடேசன் மற்றும் அனசூயா வெங்கடேசன் ஆகியோருக்கு பிறந்தார். இவர் குழந்தை பருவத்தில் பழவேற்காட்டில் வளர்ந்தார். பின்னர் ஜூன் 1986 இல் துவாரகதாஸ் கோவர்தன்தாஸ் வைஷ்ணவ கல்லூரியில் இயற்பியலில் இளங்கலை பட்டம் பெற்றார். பின்னர் சென்னை இலயோலாக் கல்லூரியில், முதுகலை பட்டம் பெற்றார். ஆனந்த் கல்லூரியின் வருடாந்திர இறுதி நாட்களில் இமயமலையில் மலையேற்றப் பயணங்களில் பங்கேற்றார். இந்தியாவின் பல்வேறு தொலைதூர இடங்களுக்கு, அவரது ஆய்வுப் பயணங்கள் புகைப்படம் எடுப்பதில் அவருக்கு ஆர்வத்தைத் தூண்டின. ஆனந்த், கல்லூரியில் மாநில மற்றும் தேசிய அளவிலான புகைப்பட போட்டிகளில் பங்கேற்றார். அவரது காட்சி படங்கள் அவருக்கு ஏராளமான புகைப்பட விருதுகளைப் பெற்றன.

இறப்பு

கொரோனா தொற்று பாதிப்புக்கு உள்ளாகி சென்னையில் உள்ள தனியார் மருத்துவமனையில் சிகிச்சை பெற்று வந்த கே. வி. ஆனந்த் வேறு எந்த நோய் அறிகுறிகளும் இல்லாத நிலையில், ஏப்ரல் 30, 2021 அன்று திடீரென மாரடைப்பு ஏற்பட்டு அதிகாலை 3 மணியளவில் காலமானார்.^[4][5]

திரைப்படங்கள்

ஒளிப்பதிவாளராக

_{மூலம்:^[6]}

ஆண்டு	திரைப்படம்	மொழி
1994	தென்மாவின் கொம்பத்து	மலையாளம்
	மின்னரம்	மலையாளம்
1995	புண்யா பூமி நா தேசம்	தெலுங்கு
1996	காதல் தேசம்	தமிழ்
1997	சந்திரலேகா	மலையாளம்
1997	நேருக்கு நேர்	தமிழ்
1998	டோலி சஜா கே ரக்னா	இந்தி
1999	முதல்வன்	தமிழ்
2000	ஜோஷ்	இந்தி
2001	நாயக்	இந்தி
2002	விரும்புகிறேன்	தமிழ்
	த லெஜன்ட் ஆஃப் பகத்சிங்	இந்தி
2003	பாய்ஸ்	தமிழ்
2004	செல்லமே	தமிழ்
2004	காக்கி	இந்தி
2007	சிவாஜி: தி பாஸ்	தமிழ்
2007	ஹீரோவா? சீரோவா?	தமிழ்

இயக்குநராக

_{மூலம்:^[6]}

ஆண்டு	திரைப்படம்	மொழி	குறிப்புகள்
2005	கனா கண்டேன்	தமிழ்
2009	அயன்	தமிழ்
2010	கோ	தமிழ்
2012	மாற்றான்	தமிழ்
2015	அனேகன்	தமிழ்
2017	கவண்	தமிழ்
2019	காப்பான்	தமிழ்

நடிகராக

_{மூலம்:^[6]}

• மீரா (1992)
• சிவாஜி: தி பாஸ் (2007)
• மாற்றான் (2012)
• கவண் (2017)