கோலா கிராய் தொடருந்து நிலையம்

கோலா கிராய் தொடருந்து நிலையம் (ஆங்கிலம்: Kuala Krai Railway Station மலாய்: Stesen Keretapi Kuala Krai) என்பது தீபகற்ப மலேசியாவின் கிழக்கு கரைப் பகுதியில், கிளாந்தான், கோலா கிராய் மாவட்டம், கோலா கிராய் நகரில் உள்ள ஒரு தொடருந்து நிலையம் ஆகும். கோலா கிராய் நகரத்தின் மையத்தில் அமைந்துள்ள இந்த நிலையம், அதன் சுற்றுப்புறங்களுக்குச் சேவை செய்கிறது.^[1]

கோலா கிராய்
| கேடிஎம் இண்டர்சிட்டி Kuala Krai Railway Station
கோலா கிராய் தொடருந்து நிலையம் (2009)
பொது தகவல்கள்
அமைவிடம்	கோலா கிராய், 18000 கோலா கிராய் மாவட்டம், கிளாந்தான்  மலேசியா
ஆள்கூறுகள்	5°32′N 102°12′E
உரிமம்	மலாயா தொடருந்து
இயக்குபவர்	மலாயா தொடருந்து
தடங்கள்	மலாயா கிழக்கு கடற்கரை
நடைமேடை	1 பக்க மேடை; 1 தீவு மேடை
இருப்புப் பாதைகள்	3
கட்டமைப்பு
தரிப்பிடம்	இலவசம்
துவிச்சக்கர வண்டி வசதிகள்	உண்டு
மாற்றுத்திறனாளி அணுகல்	உண்டு
வரலாறு
திறக்கப்பட்டது	1914
மறுநிர்மாணம்	2008
சேவைகள்
முந்தைய நிலையம்   கேடிஎம் இண்டர்சிட்டி   அடுத்த நிலையம்     தெமங்கான் தும்பாட்    Ekspres Timuran  கிழக்கு நகரிடை   தாபோங் ஜொகூர் தெமங்கான் தும்பாட்    Shuttle Timur  கிழக்கு நகரிடை   பாகி லிப்பிஸ் நால் தும்பாட்    Shuttle Timur  கிழக்கு நகரிடை   பாகி மூசாங் நால் தும்பாட்    Shuttle Timur  கிழக்கு நகரிடை   பாகி தாபோங்
அமைவிடம் கோலா கிராய் தொடருந்து நிலையம்

கிளாந்தான் மாநிலத்தின் மிகப்பெரிய தொடருந்து நிலையமான கோலா கிராய் தொடருந்து நிலையம், மலாயா கிழக்கு கடற்கரை தொடருந்து வழித்தடத்தில் (KTM East Coast Line) அமைந்துள்ளது; மற்றும் கேடிஎம் இண்டர்சிட்டி சேவைகளை வழங்குகிறது. கோலா கிராய் நகரின் பெயரால் பெயரிடப்பட்டுள்ளது.^[2]

பொது

1920-ஆம் ஆண்டுகளில் கிழக்கு கடற்கரை இரயில்வே (East Coast Railway) எனும் தொடருந்து கட்டுமானத்தில் இருந்து கோலா கிராய் தொடருந்து நிலையத்தின் வரலாறும் தொடங்குகிறது. அதற்கு முன்னர், இந்தப் பகுதியில் வாரத்திற்கு ஒரு முறைதான் ஆற்றின் வழியாகப் படகுப் பயணங்கள் இருந்தன.

அந்தப் படகுச் சேவையை, டப் டிவலப்மெண்ட் ரிவர் ஸ்டீமர் (Duff Development River Steamers) எனும் பெயரில் கிளாந்தான் அரசாங்கம் நடத்தி வந்தது.^[3] வாரத்திற்கு ஒரு முறை தான் கிராம மக்கள் பாசிர் மாஸ் நகரத்திற்கு வர முடியும்.

கோலா கிராய் ஆற்றுப் போக்குவரத்து

கிளாந்தான் மாநிலத்தில் தொடருந்து சேவை நடைமுறைக்கு வந்ததும், கிளாந்தான் மாநிலத்தின் தொலைதூர உட்புறத்தில் குறிப்பிடத்தக்க அளவில் மாற்றங்கள் ஏற்பட்டன. கோலா கிராயில் இருந்த ஆற்றுப் போக்குவரத்து, தொடருந்து சேவையால் முழுமையாக மாற்றம் அடைந்தது.^[4]

கோலா கிராய் நகரில் தொடருந்து சேவை அறிமுகம் செய்யப்பட்டதில் இருந்து, இந்த நகரம் பொதுமக்களால் அடிக்கடி பயன்படுத்தப்படும் தொடருந்து சேவைகளின் ஒரு பகுதியாக மாறியுள்ளது. கோலா கிராய் தொடருந்து நிலையம் 1920-களில் அதன் செயல்பாட்டைத் தொடங்கியது. தற்போது இந்த நிலையம் ஜொகூர் பாரு சென்ட்ரல், கிம்மாஸ் நிலையங்களில் இருந்து கிளாந்தானில் உள்ள மற்ற நகரங்கள் வழியாக இயக்கப்படுகிறது.^[4]

நிலைய வசதிகள்

• பக்க மேடை
• காத்திருப்புப் பகுதி
• பொது கழிப்பறைகள்
• வாகன நிறுத்துமிடம்
• கடவுச்சீட்டு விற்பனை இயந்திரம்
• வாடிக்கையாளர் சேவை அலுவலகம்
• பானங்கள் விற்பனை இயந்திரம்

தொடருந்து சேவைகள்

• ராக்யாட் தீமோரான் விரைவு தொடருந்து - 26/27 தும்பாட் - ஜொகூர் பாரு சென்ட்ரல் - (Ekspres Rakyat Timuran 26/27 Tumpat–JB Sentral)
• தீமோர் கிழக்கு நகரிடை போக்குவரத்து - 51/52/57/60 தும்பாட் - குவா மூசாங் - (Shuttle Timur 51/52/57/60 Tumpat–Gua Musang)
• தீமோர் கிழக்கு நகரிடை போக்குவரத்து - 55/56 தும்பாட் - தாபோங் - (Shuttle Timur 55/56 Tumpat–Dabong)

மேலும் காண்க

• தெமங்கான் தொடருந்து நிலையம்
• கேடிஎம் இண்டர்சிட்டி
• தானா மேரா கிளாந்தான் தொடருந்து நிலையம்