சமணச் சமூகம்

சமணச் சமூகம் (Jain communities) என்பது சமணச் சமயத்தைப் பின்பற்றுபவர்களைக் குறிக்கும். இவர்களை ஜெயினர்கள் என்றும் அழைப்பர். இவர்கள் பண்டைய சமணச் சிரமண மரபைப் பின்பற்றுபவர்கள். இச்சமூகத்தவர்களின் வழிகாட்டிகள் தீர்த்தங்கரர்கள் ஆவார். இவர்களின் இரண்டு பிரிவிரினர்களில் ஒருவர் சுவேதாம்பரர், மற்றொரு பிரிவினர் திகம்பரர் ஆவார். தமிழ்நாட்டில், தமிழ் மொழி பேசும் சமணச் சமூத்தவர்களை, தமிழ்ச் சமணர்கள் என்று அழைப்பர். சமணச் சமூகம் இந்தியா மட்டுமின்றி ஆப்பிரிக்கா மற்றும் வட அமெரிக்கா கண்டங்களில் வாழ்கிறார்கள். சமணச் சமூகத்தினர், சமணச் சமயக் கொள்கைக்கு இணங்க, சமண சமூகத்தவர்கள் வேளாண்மைத் தொழிலில் மட்டும் ஈடுபடுவதில்லை. மேலும் இச்சமூகத்தினர் மாமிச உணவு உண்பதில்லை. பலர் சூரியன் மறைந்து, இருள் நேரத்தில் உணவு உண்பதில்லை.

சங்கம்

ஜெயின் சமூகத்தில் நால்வகைப் பிரிவினர் உள்ளனர். அவர்களை முனி (ஆண் துறவிகள்), அர்க்கியா அல்லது சாத்வி எனும் பெண் துறவிகள், சிரமணர்கள் (சமணத்தைப் பின்பற்றும் ஆண்கள்) மற்றும் சிராவிகா(சமணத்தைப் பின்பற்றும் பெண்கள்) ஆவார். இந்த வகையினரைச் சங்கம் என்று அழைப்பர்.

மக்கள் தொகை மற்றும் செல்வ நிலை

இந்தியாவில் உள்ள சமயங்களில் அதிகம் எழுத்தறிவு கொண்டவர்களில் சமணர்களே ஆவார். 2011 ஆம் ஆண்டின் கணக்கெடுப்பின்படி, சமண சமூகத்தவர்களின் எழுத்தறிவு 94.1% ஆகும். அதே நேரத்தில் இந்திய சராசரி எழுத்தறிவு 65.38% ஆகும். சமணச் சமூகப் பெண்களின் எழுத்தறிவு 90.6.%, அதே நேரத்தில் தேசிய அளவில் பெண்களின் சராசரி எழுத்தறிவு 54.16% ஆகும்.^[1][2]

2018ஆம் ஆண்டின் தேசியக் கணக்கெடுப்பின்படி, இந்தியாவில் மற்ற சமய சமூகத்திரை விட, ஜெயின் சமூகத்தவர்களில் 70% செல்வத்தின் உச்சத்தில் வாழ்கின்றனர்.^[3]

சமணச் சமூக பிரிவுகள்

இந்தியாவில், பெரும்பாலான பகுதிகளில் சமணர்கள் வாழ்கின்றனர். இந்தியாவின் சமணர்களில் 100 வகையான சமூகப் பெயர்களில் வாழ்கின்றனர். எடுத்துக்காட்டு: தமிழ்நாட்டில், தமிழ் மொழி பேசும் தமிழ்ச் சமணர்கள் வாழ்கிறார்கள். சமணச் சமூகத்தவர்களை வரலாற்று மற்றும் தற்கால வாழ்விடங்களை அடிப்படையாகக் கொண்டு ஐந்து பிரிவாக பிரிக்கப்படுகின்றனர்.

மத்திய இந்தியா

• புந்தேல்கண்ட் பிரதேச ஜெயின்
• மத்தியப் பிரதேச ஜெயின்

மேற்கு இந்தியா

• இராஜஸ்தான் ஜெயின் (மார்வாடி ஜெயின்)
• குஜராத்தி ஜெயின்
• மராத்தி ஜெயின்
  • மும்பை ஜெயின்

வட இந்தியா

• தில்லி ஜெயின்
• உத்தரப் பிரதேச ஜெயின்

தென்னிந்தியா

• கர்நாடக ஜெயின்
  • வட கர்நாடகா ஜெயின்
• கேரளா ஜெயின்
• தமிழ் சமணர்கள்

கிழக்கு இந்தியா

• வங்காள ஜெயின்
• நாகாலாந்து ஜெயின்

புலம் பெயர்ந்த ஜெயின்கள்

• ஐரோப்பாவில் புலர்பெயர்ந்த ஜெயின்கள்
• கனடாவில் புலம்பெயர்ந்த ஜெயின்கள்
• அமெரிக்க ஐக்கிய நாட்டில் புலம்பெயர்ந்த ஜெயின்கள்
• கிழக்கு ஆப்பிரிக்காவில் புலம்பெயர்ந்த ஜெயின்கள்.(1960களின் துவக்கத்தில் ஜெயின் மக்கள் தொகை 45,000 ஆகும்.^[4] இவர்களில் பெரும்பாலோர் ஜாம்நகரைச் சேர்ந்த குஜராத்தி மொழி பேசும் ஹலாரி விசா ஓஸ்வால் ஜெயின் சமூகத்தினர் ஆவார்.^[4][5]

மக்கள் தொகை பரம்பல்

2011ஆம் ஆண்டின் கணக்கெடுப்பின்படி, இந்திய மக்கள் தொகையில் ஜெயின் சமூகத்தவர்களின் மக்கள் தொகை 0.54%. (4,451,75) ஆகும். அதில் ஆண்கள் 2,278,097 மற்றும் பெண்கள் 2,173,656)^[6]

வரிசை எண்	மாநிலம்	மக்கள் தொகை	ஊரகம்	நகர்புறம்	ஆண்கள் மொத்தம்	நகர்புற ஆண்கள்	ஊரக ஆண்கள்	பெண்கள் மொத்தம்	ஊரகப் பெண்கள்	நகர்புற பெண்கள்
1	இந்தியா	4,451,753	904,809	3,546,944	2,278,097	467,577	1,810,520	2,173,656	437,232	1,736,424
2	மகாராட்டிரா	1,400,349	269,959	1,130,390	713,157	140,476	572,681	687,192	129,483	557,709
3	இராஜஸ்தான்	622,023	166,322	455,701	317,614	84,649	232,965	304,409	81,673	222,736
4	குஜராத்	579,654	44,118	535,536	294,911	22,357	272,554	284,743	21,761	262,982
5	மத்தியப் பிரதேசம்	567,028	109,699	457,329	291,937	57,431	234,506	275,091	52,268	222,823
6	கர்நாடகா	440,280	220,362	219,918	225,544	113,598	111,946	214,736	106,764	107,972
7	உத்தரப் பிரதேசம்	213,267	30,144	183,123	110,994	15,852	95,142	102,273	14,292	87,981
8	தில்லி	166,231	192	166,039	85,605	94	85,511	80,626	98	80,528
9	தமிழ்நாடு	89,265	10,084	79,181	45,605	5,044	40,561	43,660	5,040	38,620

அமெரிக்க ஐக்கிய நாட்டில் ஜெயின் மக்கள் தொகை 150,000 முதல் 200,000 வரை இருக்கலாம் என மதிப்பிடப்பட்டுள்ளது.^[7][8] ஜப்பான் நாட்டில் 5,000க்கும் மேற்பட்ட குடும்பங்கள் சமண சமயத்திற்கு மாறியுள்ளதால், அங்கு ஜெயின் சமூகம் வளர்கிறது.^[9]

புகழ்பெற்ற ஜெயின் சமூகத்தவர்கள்

• சமண அறிஞர்கள்
• வீரசந்த் காந்தி