ஜெலாதெக் எல்ஆர்டி நிலையம்
From Wikipedia, the free encyclopedia
Remove ads
ஜெலாதெக் எல்ஆர்டி நிலையம் (ஆங்கிலம்: Jelatek LRT Station; மலாய்: Stesen LRT Jelatek; சீனம்: 遮拉迪) என்பது மலேசியா, கோலாலம்பூர், செத்தியா வங்சா பகுதியில் கிளானா ஜெயா வழித்தடத்தில் அமைந்துள்ள ஓர் இலகுரக விரைவுப் போக்குவரத்து (LRT) நிலையமாகும். இந்த வழித்தடம் முன்பு புத்ரா வழித்தடம் என்று அழைக்கப்பட்டது.[2]
இந்த நிலையம் சூன் 1, 1999 அன்று திறக்கப்பட்டது; மற்றும் அருகில் உள்ள ஜெலாதெக் குடியிருப்பின் பெயரில் இந்த நிலையத்திற்கும் பெயரிடப்பட்டது. இந்த நிலையம் ஜெலாதெக் சாலையின் மேற்குப் பகுதியில் கம்போங் டத்தோ கிராமாட் மற்றும் கிழக்குப் பகுதியில் தாமான் கிராமாட் ஆகிய வீடுமனைத் திட்டங்களுக்கு இடையே அமைந்துள்ளது.
Remove ads
பொது
மஸ்ஜித் ஜமெயிக் எல்ஆர்டி நிலையம் தொடங்கி புத்ரா அயிட்ஸ் எல்ஆர்டி நிலையம் வரையிலான 12 இலகு விரைவுப் போக்குவரத்து நிலையங்களை உள்ளடக்கிய இரண்டாவது கட்டமைப்புப் பிரிவின் ஒரு பகுதியாக 1 சூன் 1999 அன்று இந்த நிலையம் திறக்கப்பட்டது.
அமைவு
இந்த நிலையம் இரண்டு அடுக்குகளைக் கொண்ட நிலையமாகும். தொடருந்துகள் வழியாக ஏறி இறங்கும் இடம் தரையிலிருந்து மேலே உள்ளது. இந்த நிலையத்தில் கிளானா ஜெயா வழித்தடத்தின் சேவைகளுக்கான மையத் தளமும் உள்ளது.[3]
ஓர் உயரமான நிலைய அமைப்பைக் கொண்ட ஜெலாதெக் நிலையம் இரண்டு அடுக்கு நிலைகளைக் கொண்டுள்ளது; அதாவது இரண்டு அடுக்குத் தளங்களைக் கொண்டது. கீழ் அடுக்கில், சாலை மட்டத்தில் பயணிகளின் அணுகல் தளம் உள்ளது; மற்றும் மேல் உயர் அடுக்கு நிலைகளில் கடப்புச் சீட்டு, சிற்றுண்ண்டிச் சாலைகள் உள்ளன.
மாற்றுத் திறனாளிகளுக்கான சேவை
அனைத்து அடுக்குகளிலும் படிக்கட்டுகள், மின்படிக்கட்டுகள் மற்றும் மாற்றுத் திறனாளிகளுக்கான சுமை தூக்கிகள் உள்ளன. அத்துடன் இரு திசைகளின் வழியாகப் பயணிக்கும் தொடருந்துகளுக்கு என தனிப்பட்ட ஒரு தீவு நடைமேடையையும் இந்த நிலையம் பயன்படுத்துகிறது.
நவீன முறையிலான மழை வெயில் தடுப்பு கூரைகளால் இந்த நிலையம் கட்டப்பட்டு உள்ளது.
Remove ads
பேருந்து சேவைகள்
மேலும் காண்க
மேற்கோள்கள்
வெளி இணைப்புகள்
Wikiwand - on
Seamless Wikipedia browsing. On steroids.
Remove ads