டத்தோ கெராமாட் எல்ஆர்டி நிலையம்
கெராமாட் இலகு விரைவுப் போக்குவரத்து நிலையம் From Wikipedia, the free encyclopedia
Remove ads
டத்தோ கெராமாட் எல்ஆர்டி நிலையம் (ஆங்கிலம்: Dato' Keramat LRT Station; மலாய்: Stesen Dato' Keramat; சீனம்: 拿督克拉末) என்பது மலேசியா, கோலாலம்பூர், கிளானா ஜெயா வழித்தடத்தில் அமைந்துள்ள ஓர் இலகுரக விரைவுப் போக்குவரத்து (LRT) நிலையமாகும். இந்த வழித்தடம் முன்பு புத்ரா வழித்தடம் என்று அழைக்கப்பட்டது.[2][3]
டத்தோ கெராமாட் எல்ஆர்டி நிலையத்திற்கு, ஜாலான் டத்தோ கெராமாட் என்ற சாலையின் பெயரில் இருந்து பெயரிடப்பட்டது. மஸ்ஜித் ஜமெயிக் எல்ஆர்டி நிலையம் தொடங்கி புத்ரா அயிட்ஸ் எல்ஆர்டி நிலையம் வரையிலான 12 இலகு விரைவுப் போக்குவரத்து நிலையங்களை உள்ளடக்கிய இரண்டாவது கட்டமைப்புப் பிரிவின் ஒரு பகுதியாக 1 சூன் 1999 அன்று இந்த நிலையம் திறக்கப்பட்டது.[2]
Remove ads
பொது
கம்போங் டத்தோ கெராமட் மற்றும் அதைச் சுற்றியுள்ள பகுதிகளுக்கு சேவை செய்வது இந்த நிலையத்தின் நோக்கமாகும். கம்போங் டத்தோ கெராமட், தித்திவாங்சா மக்களவைத் தொகுதியில் உள்ள ஒரு பெரிய மண்டலமாகும்.[4]
பொதுவாக மலேசியாவில் கிராமம் என்பதை கம்போங் (Kampung) என்று அழைப்பது வழக்கமாகும். அந்த வகையில் கெராமாட் கிராமம் என்பது கம்போங் டத்தோ கெராமாட் (Kampung Datuk Keramat) என்று அழைக்கப்படுகிறது.
இந்த நிலையத்தின் தெற்கே 
அம்பாங்-கோலாலம்பூர் உயர்மட்ட விரைவுச்சாலை (Ampang–Kuala Lumpur Elevated Highway - AKLEH); மற்றும் கிள்ளான் ஆறு ஆகியவை உள்ளன.
Remove ads
அமைவு
இந்த நிலையம் இரண்டு அடுக்குகளைக் கொண்ட நிலையமாகும். தொடருந்துகள் வழியாக ஏறி இறங்கும் இடம் தரையிலிருந்து மேலே உள்ளது. இந்த நிலையத்தில் கிளானா ஜெயா வழித்தடத்தின் சேவைகளுக்கான மையத் தளமும் உள்ளது.[5]
ஓர் உயரமான நிலைய அமைப்பைக் கொண்ட டத்தோ கெராமாட் நிலையம் இரண்டு அடுக்கு நிலைகளைக் கொண்டுள்ளது; அதாவது இரண்டு அடுக்குத் தளங்களைக் கொண்டது. கீழ் அடுக்கில், சாலை மட்டத்தில் பயணிகளின் அணுகல் தளம் உள்ளது; மற்றும் மேல் உயர் அடுக்கு நிலைகளில் கடப்புச் சீட்டு, சிற்றுண்ண்டிச் சாலைகள் உள்ளன.
மாற்றுத் திறனாளிகளுக்கான சேவை
அனைத்து அடுக்குகளிலும் படிக்கட்டுகள், மின்படிக்கட்டுகள் மற்றும் மாற்றுத் திறனாளிகளுக்கான சுமையுந்துகள் உள்ளன. அத்துடன் இரு திசைகளின் வழியாகப் பயணிக்கும் தொடருந்துகளுக்கு என தனிப்பட்ட ஒரு தீவு நடைமேடையையும் இந்த நிலையம் பயன்படுத்துகிறது.
நவீன முறையிலான மழை வெயில் தடுப்பு கூரைகளால் இந்த நிலையம் கட்டப்பட்டு உள்ளது.
Remove ads
பேருந்து சேவைகள்
மேலும் காண்க
மேற்கோள்கள்
வெளி இணைப்புகள்
Wikiwand - on
Seamless Wikipedia browsing. On steroids.
Remove ads