நீலாய் கொமுட்டர் நிலையம்

நீலாய் கொமுட்டர் நிலையம் (ஆங்கிலம்: Nilai Komuter Station; மலாய்: Stesen Komuter Nilai) என்பது மலேசியா, நெகிரி செம்பிலான், சிரம்பான் மாவட்டம், நீலாய் நகர்ப்பகுதியில் அமைந்துள்ள கொமுட்டர் நிலையம் ஆகும்.^[1]

நீலாய்
KB11  | கொமுட்டர் Nilai Komuter Station
நீலாய் கொமுட்டர் நிலையம் (2023)
பொது தகவல்கள்
அமைவிடம்	நீலாய், சிரம்பான் மாவட்டம் சிலாங்கூர்  மலேசியா
ஆள்கூறுகள்	2°48′8″N 101°47′58″E
உரிமம்	தொடருந்து சொத்துரிமை
இயக்குபவர்	மலாயா தொடருந்து நிறுவனம்
தடங்கள்	புலாவ் செபாங்   காஜாங்  மேற்கு கடற்கரை
நடைமேடை	2 பக்க நடைமேடை
இருப்புப் பாதைகள்	2
கட்டமைப்பு
தரிப்பிடம்	உண்டு
துவிச்சக்கர வண்டி வசதிகள்	உண்டு
மாற்றுத்திறனாளி அணுகல்	உண்டு
மற்ற தகவல்கள்
நிலையக் குறியீடு	KB11
வரலாறு
திறக்கப்பட்டது	KB11  1995
மறுநிர்மாணம்	1995
மின்சாரமயம்	1995
சேவைகள்
முந்தைய நிலையம்   மலாயா தொடருந்து   அடுத்த நிலையம்     பத்தாங் பெனார் பத்துமலை    புலாவ் செபாங்    லாபு புலாவ் செபாங்
அமைவிடம் நீலாய் நிலையம்

நீலாய் நகரத்தில் இந்த நிலையம் அமைந்துள்ளதால், நீலாய் நகரத்தின் பெயரில் அதற்கும் பெயரிடப்பட்டது. 2015-ஆம் ஆண்டில் கேடிஎம் இடிஎஸ் சேவைகள் கிம்மாஸ் தொடருந்து நிலையம் வரை நீட்டிக்கப்பட்ட போது, இந்த நிலையம் கேடிஎம் இடிஎஸ் (KTM ETS) சேவைக்கு ஒரு நிறுத்தமாகச் செயல்பட்டது.

முன்பு சிரம்பான் வழித்தடம் என்றும்; காஜாங் வழித்தடம் என்றும் அழைக்கப்பட்ட புலாவ் செபாங் வழித்தடத்தில் இந்த நிலையம் சேவையில் ஈடுபட்டுள்ளது.

பொது

இந்த நிலையம் பிரித்தானிய மலாயா காலத்தில் சிப்பாங் சாலையில் ஒரு நிறுத்தமாகத் தன் தொடக்கக்காலப் பணிகளைத் தொடங்கியது. மற்ற பெரும்பாலான நிலையங்களைப் போலவே இந்த நிலையமும் இரட்டை தடங்களைக் கொண்டுள்ளது.

தற்போது கோலாலம்பூர் பன்னாட்டு வானூர்தி நிலையம்; மற்றும் சுற்றுவட்டாரக் கல்லூரிகளுக்கான ஓர் இணைப்பாக இந்த நிலையம் செயல்படுவதால், அதன் செயல்பாட்டு நேரங்களில், கணிசமான அளவிற்கு பயணிகளைப் பெறுகிறது.^[2]

விரிவாக்கம்

தொடக்கத்தில் இந்த நிலையம் ஒரு சின்ன நிலையக் கட்டிடமாகத்தான் இருந்தது. ஒரு பயணச் சீட்டு வழங்கிடம்; மற்றும் இரண்டு பயணச் சீட்டு விற்பனை இயந்திரங்கள்; மூடப்பட்ட வழித்தடங்கள் போன்றவற்றைக் கொண்டிருந்தது. இருப்பினும், 2005-ஆம்; 2006-ஆம் ஆண்டுகளில், இந்த நிலையத்தில் குறிப்பிடத்தக்க அளவில் கட்டுமானங்கள் நடைபெற்று பெரிய அளவில் விரிவாக்கம் செய்யப்பட்டது.^[3]

முன்பு இந்த நிலையம் கேடிஎம் இடிஎஸ் சேவைக்கு ஒரு நிறுத்தமாகச் செயல்பட்டது. தற்போது அந்தச் சேவை நிறுத்தப்பட்டு விட்டது. இருப்பினும், கோலாலம்பூர் பன்னாட்டு வானூர்தி நிலையத்திற்கான துரிதத் தொடருந்து இணைப்பு (Express Rail Link) தொடங்கப்படுவதற்கு முன்னர், இந்த நிலையம் மட்டுமே கோலாலம்பூர் பன்னாட்டு வானூர்தி நிலையத்தை இணைக்கும் தொடருந்து நிலையமாகவும் செயல்பட்டது.

கோலாலம்பூர் பன்னாட்டு வானூர்தி நிலையம்

கோலாலம்பூர் பன்னாட்டு வானூர்தி நிலையத்திற்கு செல்லும் பேருந்துகள் இங்கு உள்ளன. பொதுவாக நீலாய் நகரிலிருந்து வானூர்தி நிலையத்தை அடைய ஒரு மணிநேரம் பிடிக்கும்.

இந்த நிலையத்தில் 2 பக்க நடைமேடைகள்; 2 வழித்தடங்கள் உள்ளன. நிலையத்தில் பயணச் சீட்டு வழங்கிடம் மற்றும் மூன்று பயணச் சீட்டு விற்பனை இயந்திரங்களும் உள்ளன.^[4]

மேலும் காண்க

• மலேசிய தொடருந்து போக்குவரத்து
• யூகேஎம் கொமுட்டர் நிலையம்
• நீலாய்
• பாங்கி கொமுட்டர் நிலையம்
• கோலாலம்பூர் பன்னாட்டு வானூர்தி நிலையம்

நீலாய் நிலையக் காட்சியகம்

• 
• 
• 
• 
•