பிர்லா மந்திர்
From Wikipedia, the free encyclopedia
Remove ads
பிர்லா மந்திர் (பிர்லா கோயில்) என்பது வெவ்வேறு நகரங்களில், வெவ்வேறு இந்து கோவில்கள் அல்லது பிர்லா குடும்பத்தால் கட்டப்பட்ட இந்துக் கோயில்களைக் குறிக்கிறது. இந்த கோயில்கள் அனைத்தும் அற்புதமாக கட்டப்பட்டுள்ளன. அவற்றில் சில வெள்ளை பளிங்கு அல்லது மணற்கற்களில் உள்ளன. கோயில்கள் பொதுவாக ஒரு முக்கிய இடத்தில் அமைந்துள்ளன. அதிக எண்ணிக்கையிலான பார்வையாளர்களை தங்க வைக்கும் வகையில் கவனமாக வடிவமைக்கப்பட்டுள்ளன. வழிபாடு மற்றும் சொற்பொழிவுகள் நன்கு ஒழுங்கமைக்கப்பட்டுள்ளன. முதலாவது 1939ஆம் ஆண்டில் தில்லியில் கன்சியாம்தாசு பிர்லா மற்றும் அவரது சகோதரர்கள் மற்றும் அவரது தந்தை ஆகியோரால் கட்டப்பட்டது. பிற்கால கோயில்களும் கட்டப்பட்டுள்ளன. மேலும் அவை குடும்பத்தின் வெவ்வேறு கிளைகளால் நிர்வகிக்கப்படுகின்றன.
Remove ads
வரலாறு மற்றும் வடிவமைப்பு
தில்லி மற்றும் போபாலில் உள்ள பிர்லா கோயில்கள் ஒரு வெற்றிடத்தை நிரப்பும் நோக்கமாக இருந்தன. ஏனென்றால் முஸ்லீம் வம்சங்களால் பல நூற்றாண்டுகளாக ஆட்சி செய்த இந்த நகரங்களில் குறிப்பிடத்தக்க கோயில்கள் எதுவும் இல்லை. ஏனெனில் விமானங்களுடம் பிரமாண்டமான கோயில்களை நிர்மாணிக்க ஆட்சியாளர் அனுமதிக்கவில்லை. தில்லி, இந்தியாவின் தலைநகராக இருந்தபோதிலும், குறிப்பிடத்தக்க கோவில்கள் எதுவும் இல்லை. முகலாய காலத்தில், முகலாய காலத்தின் பிற்பகுதி வரை விமானங்களைக் கொண்ட கோயில்கள் தடை செய்யப்பட்டன. பிர்லா குடும்பத்தினரால் கட்டப்பட்ட முதல் கோயில் தில்லியில் உள்ள இலட்சுமிநாராயணன் கோயில் ஆகும். ஒரு முக்கிய தளத்தில் அமைந்துள்ள, [1] இந்த ஆலயம் உயர்ந்த மற்றும் விசாலமானதாக வடிவமைக்கப்பட்டுள்ளது. இது சபை வழிபாடு அல்லது சொற்பொழிவுகளுக்கு ஏற்றது. நவீன தொழில்நுட்பத்தைப் பயன்படுத்தி கட்டப்பட்டாலும், அது இந்துக் கோயில் கட்டிடக்கலை பாணியுடன் உறுதிப்படுத்தப்பட்டது.
தில்லி, வாரணாசி மற்றும் போபாலில் உள்ள பிர்லா கோயில்களில் நவீன கட்டுமானப் பொருட்களையும் நுட்பங்களையும் பயன்படுத்தி கட்டப்பட்டுள்ளது. பிற்கால கோயில்கள் பளிங்கு அல்லது மணற்கற்களால் கட்டப்பட்டுள்ளன. அவை பொதுவாக 10-12 ஆம் நூற்றாண்டின் பாரம்பரிய ( சந்தேலர்கள் அல்லது சோலங்கிப் ) பாணியில் கட்டப்பட்டுள்ளன. பிட்ஸ் பிலானி வளாகத்தில் உள்ள சரசுவதி கோயில் நவீன காலங்களில் கட்டப்பட்ட மிகச் சில சரசுவதி கோயில்களில் ஒன்றாகும் (பார்க்க சாரதா கோயில், மைகார் ). இது கஜுராஹோவின் கந்தாரிய மகாதேவர் கோயிலின் பிரதி என்று கூறப்படுகிறது; இருப்பினும் இது வெள்ளை பளிங்கினால் கட்டப்பட்டுள்ளது. மேலும் கடவுளின் உருவங்களால் மட்டுமல்ல, தத்துவவாதிகள் மற்றும் விஞ்ஞானிகளாலும் அலங்கரிக்கப்பட்டுள்ளது. [2] குவாலியர் சூரியக் கோயில் கொனார்க்கின் புகழ்பெற்ற சூர்ய தேவன் ஆலயத்தின் பிரதி ஆகும். [3]
Remove ads
இந்தியா முழுவதும் பிர்லா மந்திர்கள்
Remove ads
மேலும் காண்க
குறிப்புகள்
Wikiwand - on
Seamless Wikipedia browsing. On steroids.
Remove ads