வசீராபாத் மாவட்டம்
From Wikipedia, the free encyclopedia
Remove ads
வசீராபாத் மாவட்டம் (Wazirabad District), பாக்கித்தான் நாட்டில் உள்ள பஞ்சாப் மாகாணத்தின் 41 மாவட்டங்களில் ஒன்றாகும். பஞ்சாபின் வடக்கில் அமைந்த இம்மாவட்டத்தின் நிர்வாகத் தலைமையிடம் வசீராபாத் நகரம் ஆகும். வசீராபாத் நகரமானது, பஞ்சாப் மாகாணத் தலைநகரான லாகூருக்கு தெற்கே 149 கிலோமீட்டர் தொலைவிலும், நாட்டின் தலைநகரான இசுலாமாபாத்துக்கு தென்கிழக்கே 192 கிலோமீட்டர் தொலைவிலும் உள்ளது.
Remove ads
மாவட்ட எல்லைகள்
வசீராபாத் மாவட்டத்தின் வடகிழக்கில் சியால்கோட் மாவட்டம், வடமேற்கில் குஜராத் மாவட்டம், தென்கிழக்கில் குஜ்ரன்வாலா மாவட்டம், தெற்கில் ஹபிசாபாத் மாவட்டம் மற்றும் மேற்கில் மண்டி பகாவுத்தீன் மாவட்டம் எல்லைகளாக உள்ளது.
மக்கள் தொகை பரம்பல்
2023 பாக்கித்தான் மக்கள்தொகை கணக்கெடுப்பின்படி 142,381 குடியிருப்புகள் கொண்ட மாவட்ட மக்கள் தொகை 993,412 ஆகும். பாலின விகிதம் 100 பெண்களுக்கு ஆண்கள் 100.19 வீதம் உள்ளனர். சராசரி எழுத்தறிவு 77.39% ஆகும்.[2][3]இதன் மக்கள் தொகையில் 10 வயதிற்குட்பட்ட குழந்தைகள் 271,868 (27.37%) ஆக உள்ளனர்.[4] நகர்புறங்களில் 369,009 (37.15%) வாழ்கின்றனர்.
மொழிகள்
இம்மாவட்டத்தில் பஞ்சாபி மொழி 94.06% மக்களும், உருது மொழியை 4.72% மக்களும் மற்றும் பிற மொழிகளை 1.22% மக்களும் தாய் மொழியாகப் பேசுகின்றனர்[5]
சமயங்கள்
இம்மாவாட்டத்தில் இசுலாம் 96.39%, கிறித்துவம் 3.52% மற்றும் பிற சமயங்களை 0.09% மக்கள் பின்பற்றுகின்றனர்[6]
Remove ads
மாவட்ட நிர்வாகம்
இம்மாவட்டம் 2 வருவாய் வட்டங்களைக் கொண்டது.
மேற்கோள்கள்
Wikiwand - on
Seamless Wikipedia browsing. On steroids.
Remove ads