இசுட்டேட்டன் தீவு

இசுட்டேட்டன் தீவு (Staten Island, /ˌstætən ˈaɪlənd/) அமெரிக்க மாநிலம் நியூயார்க்கில் உள்ள நியூயார்க் நகரத்தின் ஐந்து பரோக்களில் தென்மேற்கில் உள்ள பரோ ஆகும். நியூயார்க் மாநிலம் மற்றும் நகரத்தின் தெற்கு முனையில் இது அமைந்துள்ளது. இங்குள்ள மாநாட்டு மாளிகைப் பூங்கா நியூயார்க் மாநிலம் மற்றும் நியூயார்க் நகரத்தின் தெற்கு எல்லையாக உள்ளது.^[2] இந்த பரோவை நியூ செர்சியிலிருந்து ஆர்தர் கில், கில் வான் குள் என்ற இரு கடலோடைகள் பிரிக்கின்றன; நியூயார்க் நகரத்தின் மற்ற பகுதிகளிலிருந்து நியூயார்க் விரிகுடா பிரிக்கிறது. 2013 கணக்கெடுப்பின்படி இசுட்டேட்டன் தீவின் மக்கள்தொகை 472,621 ஆகும்.^[1] நியூயார்க்கின் ஐந்து பரோக்களில் மிகவும் குறைந்த மக்கள்தொகை உள்ள பரோ இதுவாகும். ஆனால் பரப்பளவில் 59 sq mi (153 km²) உடன் மூன்றாவது பெரிய பரோவாக உள்ளது. இதுவும் ரிச்மாண்ட் கவுன்ட்டியும் ஒரே நிலப்பரப்பை குறிக்கின்றன;1975 வரை இந்த பரோவும் ரிச்மாண்ட் பரோ என்றே அழைக்கப்பட்டு வந்தது.^[3] நகர அரசின் அக்கறையின்மையைக் கருதி இசுட்டேட்டன் தீவு சிலநேரங்களில் "மறந்துபோன பரோ" என இங்கு வாழ்வோரால் குறிப்பிடப்படுகின்றது.^[4][5]

இசுட்டேட்டன் தீவு குறுங்கப்பற்சேவை கீழ் மேன்காட்டனுக்கும் இசுட்டேட்டன் தீவின் செயின்ட்.ஜார்ஜ் குறுங்கப்பல் முனையத்திற்குமிடையே கட்டணமில்லாச் சேவை வழங்குகிறது.

இசுட்டேட்டன் தீவு டச்சு: Staateneiland இசுட்டேட்டன் தீவு, நியூயார்க்
நியூயார்க் நகர பரோ
ரிச்மாண்ட் கவுன்ட்டி
வெர்ரசனோ-நேரோசு பாலம், புருக்ளினிலிருந்து இசுட்டேட்டன் தீவு நோக்கி
இசுட்டேட்டன் தீவின் அமைவிடம் - ஆரஞ்சு வண்ணத்தில்
நாடு	அமெரிக்க ஐக்கிய நாடு
மாநிலம்	நியூ யோர்க் மாநிலம்
கவுன்ட்டி	ரிச்மாண்ட்
நகரம்	நியூயார்க் நகரம்
குடியேறல்	1661
அரசு
• வகை	நியூ யார்க் நகரத்தின் மாவட்டங்கள்
• பரோத் தலைவர்	ஜேம்சு ஓட்டோ (கு) — (ரிச்மாண்ட் பரோ)
• மாவட்ட வழக்குரைஞர்	டேனியல் எம். டோனோவன் ஜூனியர் — (ரிச்மாண்ட் கவுன்ட்டி)
பரப்பளவு
• மொத்தம்	265.5 km2 (102.50 sq mi)
• நிலம்	151.5 km2 (58.48 sq mi)
• நீர்	114.0 km2 (44.02 sq mi)
மக்கள்தொகை  (2013)
• மொத்தம்	4,72,621[1]
• அடர்த்தி	3,131.9/km2 (8,111.7/sq mi)
நேர வலயம்	ஒசநே-5 (கிழக்கு சீர்தர நேரம்)
• கோடை (பசேநே)	ஒசநே-4 (கிழக்கு பகலொளி நேரம்)
சிப் குறியீடு	10301–10314
இடக் குறியீடு(கள்)	347, 718, 917, 929தொலைபேசிக் குறியீடு
இணையதளம்	www.statenislandusa.com

வாகனப் போக்குவரத்துக்காக புரூக்ளினிலிருந்து வெர்ரசானோ-நேரோசு பாலம் மூலமாகவும் நியூ செர்சியிலிருந்து அவுட்டர்பிரிட்ஜ் கிராசிங், கோத்தல்சு பாலம், பயோன் பாலம் மூலமாகவும் இணைக்கப்பட்டுள்ளது. நியூயார்க் நகரத்தின் இந்த பரோ மட்டுமே சப்வே தொடர்வண்டியால் இணைக்கப்படாது உள்ளது. இசுட்டேட்டன் தீவு கட்டணமில்லாத குறுங்கப்பல் சேவையால் மேன்காட்டனுடன் இணைக்கப்பட்டுள்ளது. ஆண்டுக்கு 21 மில்லியன் பயணிகளை ஏற்றிச் செல்லும் இச்சேவை^[6] 1700 களிலிருந்து இயக்கத்தில் இருக்கின்றது. ஒன்பது குறுங்கப்பல்கள் பணியில் ஈடுபடுத்தப்பட்டுள்ளன. விடுதலைச் சிலை, எல்லிசு தீவு, மற்றும் கீழ் மேன்காட்டன் காட்சிகளை காணும் வாய்ப்புள்ளதால் சுற்றுலாப் பயணிகளிடமும் இச்சேவை மிகவும் பெயர் பெற்றுள்ளது.

நியூயார்க்கின் ஐந்து பரோக்கள் கண்ணோட்டம்
ஆட்பகுதி		மக்கள்தொகை	நிலப் பரப்பளவு
பரோ	கவுன்ட்டி	1 சூலை 2013 மதிப்பீடு	சதுர மைல்கள்	சதுர கிமீ
மன்ஹாட்டன்	நியூ யார்க்	1,626,159	23	59
பிரான்க்சு	பிரான்க்சு	1,418,733	42	109
புருக்ளின்	கிங்சு	2,592,149	71	183
குயின்சு	குயின்சு	2,296,175	109	283
இசுட்டேட்டன் தீவு	ரிச்மாண்ட்	472,621	58	151
நியூயார்க் நகரம்		8,405,837	303	786
நியூ யோர்க் மாநிலம்		19,651,127	47,214	122,284
மூலம்: ஐக்கிய அமெரிக்க கணக்கெடுப்பு வாரியம்[7][8][9]