கலாத் மாவட்டம்

கலாத் மாவட்டம் (Kalat District), பாகிஸ்தான் நாட்டின் தென்மேற்கில் அமைந்த பலூசிஸ்தான் மாகாணத்தில் வடக்கில் அமைந்துள்ளது. இதன் தலைமையிடமான கலாத் நகரம், மாகாணத் தலைநகரான குவெட்டாவிற்கு தென்மேற்கே 139.8 கிலோ மீட்டர் தொலைவில் உள்ளது. இம்மாவட்டத்தில் பெரும்பான்மையாக பிராகுயி மொழி மற்றும் பலூச்சி மொழிகள் பேசப்படுகிறது.

கலாத் மாவட்டம் قلات
மாவட்டம்
பலூசிஸ்தான் மாநிலத்தில் கலாத் மாவட்டத்தின் அமைவிடம்
நாடு	பாகிஸ்தான்
மாநிலம்	பலூசிஸ்தான்
கோட்டம்	கலாத்
நிறுவப்பட்ட ஆண்டு	1954
தலைமையிடம்	கலாத்
அரசு
• வகை	மாவட்ட ஆணையாளர்
• துணை ஆணையாளர்	ஜமீல் அகமத் பலூச்
பரப்பளவு
• மாவட்டம்	7,654 km2 (2,955 sq mi)
மக்கள்தொகை  (2023)[1]
• மாவட்டம்	2,71,560
• அடர்த்தி	35.6/km2 (92/sq mi)
• நகர்ப்புறம்	44,440 (16.36%)
• நாட்டுப்புறம்	2,27,120
எழுத்தறிவு [2]
• சராசரி எழுத்தறிவு	39.70%
நேர வலயம்	ஒசநே+5 (பாகிஸ்தான் சீர் நேரம்)
வருவாய் வட்டங்கள்	2

மாவட்ட நிர்வாகம்

கலாத் மாவட்டம் கலாத் மற்றும் மங்கோச்சார் என இரண்டு வருவாய் வட்டங்களையும்^[3], 614 கிராமங்களையும் கொண்டுள்ளது.

தட்ப வெப்பம்

கலாத் மாவட்டத்தில் கோடையில் அதிக வெப்பமும், குளிர்காலத்தில் கடுமையான குளிரும் கொண்டது. கலாத் மாவட்ட நிலப்பரப்பில் மலைகளும், பள்ளத்தாக்குகளும், ஆறுகளும் கொண்டது.

மக்கள் தொகை பரம்பல்

2023 பாக்கித்தான் மக்கள் தொகை கணக்கெடுப்பின்படி 33,101 குடியிருப்புகள் கொண்ட கலாத் மாவட்ட மக்கள் தொகை 2,71,560 ஆகும். பாலின விகிதம் 100 பெண்களுக்கு 104.26 ஆண்கள் வீதம் உள்ளனர். சராசரி எழுத்தறிவு 39.7% ஆக உள்ளது.^[4][5]இதன் மக்கள் தொகையில் 10 வயதிற்குட்பட்ட குழந்தைகள் 37.06% ஆக உள்ளனர். ^[6]இதன் மக்கள் தொகை நகர்புறத்தில் 16.36% மக்கள் வாழ்கின்றனர்.^[4]

சமய வாரி மக்கள் தொகை

2023ஆம் ஆண்டின் கணக்கெடுப்பின்படி, கீழ்கண்ட சமயங்கள் பெரும்பான்மையாகப் பயிலப்படுகிறது. ^[7]

• இசுலாம் சமயம் - 99.25%
• இந்து சமயம் - 0.39%
• கிறித்தவம் - 0.31%

மொழிகள்

2023ஆம் ஆண்டின் கணக்கெடுப்பின்படி, கீழ்கண்ட மொழிகள் பெரும்பான்மையாகப் பேசப்படுகிறது.^[8]

• பிராகுயி மொழி - 73.22%
• பலூச்சி மொழி - 25.52%
• பஷ்தூ மொழி - 0.67%
• பிற மொழிகள் - 0.59%

இதனையும் காண்க

• பலூசிஸ்தானின் (பாகிஸ்தான்) மாவட்டங்கள்