ஜெய்ஹிந்த்புரம்

ஜெய்ஹிந்த்புரம் (ஆங்கிலம்: Jaihindpuram) என்பது இந்தியா தீபகற்பத்தில் தமிழ்நாடு மாநிலத்தின் மதுரை மாவட்டத்தில் அமைந்துள்ள ஒரு புறநகர்ப் பகுதியாகும்.^{[1][2][3][4][5]}

ஜெய்ஹிந்த்புரம் Jaihindpuram
புறநகர்ப் பகுதி
ஜெய்ஹிந்த்புரம் Jaihindpuram ஜெய்ஹிந்த்புரம், மதுரை (தமிழ்நாடு)
ஆள்கூறுகள்: 9.905100°N 78.107800°E / 9.905100; 78.107800
நாடு	இந்தியா
மாநிலம்	தமிழ்நாடு
மாவட்டம்	மதுரை மாவட்டம்
ஏற்றம்	160 m (520 ft)
மொழிகள்
• அலுவல்	தமிழ், ஆங்கிலம்
• பேச்சு	தமிழ், ஆங்கிலம்
நேர வலயம்	ஒசநே+5:30 (இ.சீ.நே.)
அஞ்சல் குறியீட்டு எண்	625 011
தொலைபேசி குறியீடு	+91452xxxxxxx
அருகிலுள்ள ஊர்கள்	மதுரை, சிம்மக்கல், கோரிப்பாளையம், யானைக்கல், நெல்பேட்டை, கீழ வாசல், தெற்கு வாசல், தத்தனேரி, கூடல் நகர், ஆரப்பாளையம், பழங்காநத்தம், பசுமலை மற்றும் திருப்பரங்குன்றம்
மாநகராட்சி	மதுரை மாநகராட்சி
மக்களவைத் தொகுதி	மதுரை மக்களவைத் தொகுதி
சட்டமன்றத் தொகுதி	மதுரை மேற்கு (சட்டமன்றத் தொகுதி)
மக்களவை உறுப்பினர்	சு. வெங்கடேசன்
சட்டமன்ற உறுப்பினர்	செல்லூர் கே. ராஜூ
இணையதளம்	https://madurai.nic.in

கடல் மட்டத்திலிருந்து சுமார் 160 மீட்டர் உயரத்தில் அமைந்துள்ள ஜெய்ஹிந்த்புரம் பகுதியின் புவியியல் ஆள்கூறுகள், 9.905100°N 78.107800°E / 9.905100; 78.107800 (அதாவது, 9°54'18.4"N, 78°06'28.1"E) ஆகும். மதுரை, சிம்மக்கல், கோரிப்பாளையம், யானைக்கல், நெல்பேட்டை, கீழ வாசல், தெற்கு வாசல், தத்தனேரி, கூடல் நகர், ஆரப்பாளையம், பழங்காநத்தம், பசுமலை மற்றும் திருப்பரங்குன்றம் ஆகியவை ஜெய்ஹிந்த்புரம் பகுதிக்கு அருகிலுள்ள முக்கிய புறநகர்ப் பகுதிகளாகும்.

ஜெய்ஹிந்த்புரத்தில் இந்துக்கள் வழிபடும் வீரமாகாளியம்மன் கோயில் ஒன்று உள்ளது.^[6] தமிழ்நாடு அரசின் இந்து சமய அறநிலையத் துறை கட்டுப்பாட்டின் கீழ் இயங்கும் பாண்டுரங்கன் கோயில் ஒன்றும் அமைந்துள்ளது.^[7]

மதுரை அவனியாபுரம் பகுதியில், 2023-ஆம் ஆண்டு பொங்கல் திருவிழாவின் போது நடைபெற்ற ஜல்லிக்கட்டு விளையாட்டுப் போட்டிகளில் கலந்து கொண்ட 250 மாடுபிடி வீரர்களில் முதலிடம் வகித்த மாடுபிடி வீரர் விஜய், ஜெய்ஹிந்த்புரத்தைச் சார்ந்தவர்.^[8]

ஜெய்ஹிந்த்புரம் பகுதியானது, மதுரை மேற்கு (சட்டமன்றத் தொகுதி) வரம்புக்கு உட்பட்டதாகும்.^[9] இதன் சட்டமன்றத் தொகுதி உறுப்பினராக 2021-ஆம் ஆண்டு நடத்தப்பட்ட தேர்தலில் வெற்றி பெற்றவர் செல்லூர் கே. ராஜூ ஆவார். மேலும் இப்பகுதி, மதுரை மக்களவைத் தொகுதி சார்ந்தது. இதன் மக்களவைத் தொகுதி உறுப்பினராக சு. வெங்கடேசன், 2019-ஆம் ஆண்டு நடத்தப்பட்ட தேர்தலில் வெற்றி பெற்றார்.