நிமலன் சௌந்தரநாயகம்

ஆசுலி நிமலன் சௌந்தரநாயகம் (Ashley Nimalan Soundaranayagam, 6 நவம்பர் 1950 - 7 நவம்பர் 2000) இலங்கைத் தமிழ் அரசியல்வாதியும், நாடாளுமன்ற உறுப்பினரும், ஆசிரியரும் ஆவார்.

நிமலன் சௌந்தரநாயகம் Nimalan Soundaranayagam நாஉ
இலங்கை நாடாளுமன்றம் மட்டக்களப்பு மாவட்டம்
பதவியில் 2000–2000
தனிப்பட்ட விவரங்கள்
பிறப்பு	(1950-11-06)6 நவம்பர் 1950
இறப்பு	7 நவம்பர் 2000(2000-11-07) (அகவை 50) கிரான், இலங்கை
அரசியல் கட்சி	தமிழர் விடுதலைக் கூட்டணி
தொழில்	ஆசிரியர்
இனம்	இலங்கைத் தமிழர்

மட்டக்களப்பு மாவட்டத்தைப் பிறப்பிடமாகக் கொண்ட சௌந்தரநாயகம் பாடசாலை ஆசிரியராகவும் அதிபராகவும் பணியாற்றியவர்.^[1][2]

சௌந்தரநாயகம் 1994 நாடாளுமன்றத் தேர்தலில் தமிழர் விடுதலைக் கூட்டணியின் வேட்பாளராக மட்டக்களப்பு தேர்தல் மாவட்டத்தில் போட்டியிட்டார். ஆனாலும் அவர் தெரிவு செய்யப்படவில்லை.^[3][4] மீண்டும் இவர் 2000 ஆம் ஆண்டுத் தேர்தலில் போட்டியிட்டு வெற்றி பெற்று நாடாளுமன்றம் சென்றார்.^[5]

படுகொலை

சௌந்தரநாயகம் நாடாளுமன்ற உறுப்பினராகத் தெரிவு செய்யப்பட்டு ஒரு மாத காலத்திற்குள் 2000 நவம்பர் 7 இல் கிரான் என்ற ஊரில் இனந்தெரியாதோரால் சுட்டுக் கொல்லப்பட்டார்.^[2][6] இவரது கொலைக்கு விடுதலைப் புலிகளின் முன்னாள் கிழக்கு மாகாணத் தலைவரும் இலங்கை அமைச்சருமான விநாயகமூர்த்தி முரளிதரனே காரணம் எனக் குற்றம் சாட்டப்படுகிறது.^[7][8]