Dekada 2020

Ang dekada 2020 o d. 2020 kung dinaglat ay ang kasalukuyang dekada ng kalendaryong Gregoryano na nagsimula noong Enero 1, 2020, at matatapos sa Disyembre 31, 2029.

Milenyo:	ika-3 milenyo
Dantaon:	ika-20 dantaon ika-21 dantaon ika-22 dantaon
Dekada:	dekada  2000 dekada 2010 dekada 2020 dekada 2030 dekada 2040
Taon:	2020 2021 2022 2023 2024 2025 2026 2027 2028 2029

Pag-iskan ng mikroskopyong elektron na imahe ng SARS-CoV-2 (gitna, dilaw), ang bayrus na sanhi ng COVID-19, kung saan naging isang pandemya noong taong 2020.

Nang nagsimula ang dekada, lumaganap ang pandemya ng COVID-19 sa buong mundo, na nagdulot ng paggambala sa lipunan at ekonomiya.

Kalusugan

Pandemya

Kaganapan	Petsa	Mga impeksyon at kamatayan	Deskripsyon
Pandemya ng COVID-19	2019 – kasalukuyan	125 milyon+ na kumpirmadong kaso at 2.7 milyon+ na namatay sa higit sa 230 bansa at teritoryo na naiulat noong 24 Marso 2021.[1]
HIV/AIDS	1981 – kasalukuyan	37.9 milyong tao na namumuhay na may HIV (katapusan ng 2018), 24.5 milyong tao ang kumukuha ng terapewtikang antiretroviral (katapusan ng 2019), 32.0 milyon namatay mula sa mga sakit na kaugnayan sa AIDS simula nang nagsimula ang epidemya (katapusan ng 2018)[2]

Agham at teknolohiya

Artipisyal na Intelihensya

• Nalutas ng Deepmind ang suliranin sa pagtiklop ng protina na hanggang 90 bahagdan na ganap na kawastuhan, isang 50-taong malaking hamon, sa CASP14 noong 2020.^[3][4]

Komunikasyon at elektronika

• Nagsanib ang T-Mobile USA at Sprint noong 1 Abril 2020.^[5]
• Naging laganap ang 5G noong 2020.

Software at elektronikang platporma

• Natapos ang suporta para sa Adobe Flash Player noong 31 Disyembre 2020.

Lipunan

Populasyon

• Umabot na ang populasyon ng Ehipto sa 100 milyon noong Pebrero 2020.^[6]
• Nalagpasan ng India ang Tsina sa pinakamataong bansa sa buong mundo ayon sa pagtatantsa noong Abril 2023.^[7]

Lahi

Nagdulot ang pagpatay kay George Floyd ng maraming protesta at kaguluhan sa Estados Unidos at sa internasyunal noong 2020. Ang sinabing layunin ng protesta ay ang katapusan ng brutalidad ng pulis at hindi pagkapantay-pantay ng lahi.

Kalinangan

Moda

Nagkaroon ng malaking inspirasyon ang nauusong moda noong maagang dekada 2020 sa dekada 2000.^[8][9][10] Ang pagsuot ng pandekorasyong maskara upang maiwasan ang sakit na COVID-19 sa pagkalat ay isang nausong moda noong maagang dekada 2020.^[11]

Pelikula

Nailabas ang ilang pelikula at ibang paparating na pelikula sa mga platapormang streaming imbis sa mga sinehan dahil sa pandemya ng COVID-19. Isang kapansin-panis na halimbawa, na iilang pelikula, ay nailabas din na sabay-sabay sa parehong sinehan at platapormang streaming.

Telebisyon

Nagsimula ang dekada 2020 sa mga pangunahing serbisyong streaming na Netflix, Amazon Prime, HBO Max, Hulu at Disney+. Patuloy na bumagsak sa popularidad ang telebisyong kaybol at telebisyong satelayt at hindi na ganoong kalaganap tulad noong dekada 2010 at mga dekada pa na nagdaan.

Musika

Si Charli D'Amelio, isa sa mga pinakasikat na nagti-tiktok na may higit sa 100 milyong tagasubaybay sa app.

Noong 2020, naging mahalaga ang TikTok bilang plataporma ng musika.^[12] Dumami ang pag-stream na plataporma tulad ng sa Spotify at Apple Music dulot ng pandemyang COVID-19. Nakansela ang mga pista tulad ng Coachella dahil sa bayrus. Nasira ng pandemyang COVID-19 ang negosyo ng paglilibot.^[13]