Васил Шәйхразиев

Васил Гаяз (Габтелгаяз) улы Шәйхразиев^[1], яки Шәйхразыев^[2] (рус. Василь Шайхразиев яки рус. Шайхразиев Василь Гаязович, 3 февраль 1963, Сәет, Минзәлә районы, ТАССР, РСФСР, Cəʙᴎт Социалистик Җɵᴍhүpᴎᴙтләр Беpᴫеᴦе) — Россия Һәм Татарстанның дәүләт һәм җәмәгать эшлеклесе. Яр Чаллы шәһәре мэры (2010—2014), Татарстан Республикасы Премьер-министры урынбасары (2014 елдан), Бөтендөнья татар конгрессының Милли Шура рәисе (2017 елдан). «Бердәм Россия» сәяси фиркасе әгъзасы.

Википедиядә Шәйхразиев фамилияле башка кешеләр турында мәкаләләр дә бар.

Васил Шәйхразиев
Туган телдә исем	Васил Габтелгаяз улы Шәйхразиев
Туган	3 февраль 1963(1963-02-03) (62 яшь) СССР, РСФСР, ТАССР, Минзәлә районы, Сәет
Милләт	татар
Ватандашлыгы	СССР→ РФ
Һөнәре	сәясәтче
Сәяси фирка	Бердәм Россия
Җефет	Гөлнур, бизнесчы
Балалар	кызлары Сабина (Рачкова), Регина (Гәрәева)
Бүләк һәм премияләре	Казанның 1000 еллыгы истәлегенә медале
Васил Шәйхразиев Викиҗыентыкта

Тәрҗемәи хәле

«Васил Шәйхразыев».
Гүзәл Гайнанова рәсеме

1963 елның 3 февралендә Татарстан АССР Минзәлә районы (хәзерге Тукай районы) Сәет авылында туган. Әтисе ягыннан бабасы Шәйхрази Арсланов 1942 елда Сталинград янында сугышта һәлак булган^[3]. Әтисе Гаяз (Габтелгаяз) иртә вафат булган. Әнисе Саимә балаларын ― Гөлфияне, Василны, Резидәне берүзе укыткан, кеше иткән^[4].

«Хокук белеме» белгечлеге буенча Cəʙᴎт Социалистик Җɵᴍhүpᴎᴙтләр Беpᴫеᴦе ЭЭМ югары юридик читтән торып уку мәктәбен тәмамлаган (1990).
1981-1983 елларда Биробиҗан шәһәрендә (Яһүд АӨ) Cəʙᴎт Социалистик Җɵᴍhүpᴎᴙтләр Беpᴫеᴦе КГБ чик буе гаскәрләрендә хәрби хезмәтен үти.

Хезмәт юлы

• 1980-1981 «Автозаводстрой» төзелеш иарәсендә (Яр Чаллы) монтер.
• 1983-1993 ТАССР ЭЭМ Яр Чаллы бүлеге оешкан җинаятьчелеккә каршы көрәш бүлекчәсен җитәкли, милиция капитаны.
• 1993-1995 «Челныбанк» АКБ хокук идарәсе башлыгы.
• 1995-2003 «“Челны” финанс компаниясе» ЧҖШ (Яр Чаллы) директоры.
• 2003-2004 Яр Чаллы шәһәр хакимияте башлыгы Илдар Халиковның ярдәмчесе.
• 2004-2005 Яр Чаллы шәһәр хакимияте башлыгының беренче урынбасары.
• 2006-2010 Яр Чаллы шәһәре муниципаль берәмлеге башкарма комитеты җитәкчесе.
• 2010-2014 Яр Чаллы шәһәре муниципаль берәмлеге башлыгы, Яр Чаллы мэры.
• 2014 елның октябрь аеннан Татарстан премьер-министры урынбасары.

Бүләкләре, мактаулы исемнәре

• 1988 ― «Cəʙᴎт Социалистик Җɵᴍhүpᴎᴙтләр Беpᴫеᴦе Кораллы көчләренә 70 ел» медале
• 1991 ― «Мактауга лаек хәрби хезмәт өчен» медале
• 2005 ― «Казанның 1000 еллыгы истәлегенә» медале
• 2007 ― «Муниципаль район муниципаль берәмлеге органы иң яхшы җитәкчесе»
• 2010 ― «Дәүләт һәм муниципаль идарәдә ел менеджеры» IV РФ бәйгесе җиңүчесе.
• 2013 ― «Дуслык» ордены (РФ)
• 2019 ― «Почет» ордены (РФ) ― ирешелгән хезмәт уңышлары һәм күпьеллык намуслы хезмәте өчен.^[5]
• 2023 ― «Дуслык» ордены (Татарстан) ― рухи-әхлакый кыйммәтләрне саклау һәм үстерүгә, тынычлыкны һәм конфессияара татулыкны ныгытуга зур өлеш керткәне өчен.^[6]
• 2023 ― «Әстерхан өлкәсе каршындагы казанышлары өчен» орден медале (Әстерхан өлкәсе )^[7]
• 2024 ― Чечен Республикасы Башлыгының Мактау грамотасы ― Чечен Республикасы белән Татарстан Республикасы арасында милләтара, дуслык һәм мәдәни элемтәләрне үстерүгә һәм ныгытуга, Чечен Республикасында «Сабантуй» татар милли бәйрәмен үткәрүне югары оештыруга керткән зур өлеше өчен^[8].
• 2024 ― «Халыклар дуслыгы» медале (Омск өлкәсе) ― Омск өлкәсе территориясендә яшәүче халыклар арасында дуслык һәм татулыкны ныгыту эшендә актив эшчәнлеге өчен^[9].
• 2025 ― Александр Невский ордены^[d] (Россия) ― хезмәттә ирешкән уңышлары һәм күпьеллык намуслы хезмәте өчен^[10].

Иҗтимагый эшчәнлеге

• Татарстанның Әтиләр иҗтимагый оешмасы җитәкчесе (2016 елның мартыннан)^[11].
• 2017 елның 3 августында Бөтендөнья татар конгрессының VI съездында Милли Шура рәисе итеп сайланды^[12][13].
• 2016-2022 елларда ― Татарстан Республикасының Ат үрчетү һәм ат спорты федерациясе җитәкчесе^[14].