Ирек Кинҗәбулатов

Ирек Кинҗәбулатов (Ирек Лотфи улы Кинҗәбулатов, баш. Ирек Лотфый улы Кинйәбулатов ) – язучы. БР атказанган мәдәният хезмәткәре (2001). Салават Юлаев премиясе лауреаты (2008).

Ирек Кинҗәбулатов Ирек Кинйәбулатов
Ирек Кинҗәбулатов
Тугач бирелгән исеме:	Ирек Лотфи улы Кинҗәбулатов
Туу датасы:	15 июль 1938(1938-07-15)
Туу урыны:	Кырмыскалы районы, Абдулла авылы
Үлем датасы:	2 июнь 2016(2016-06-02) (77 яшь)
Ватандашлык:	ССРБ ССРБ→ Россия Россия
Эшчәнлек төре:	язучы
Иҗат итү еллары:	1970-хәзергәчә
Юнәлеш:	поэзия, тәрҗемә
Жанр:	шигырь, поэма
Иҗат итү теле:	башкорт теле
Дебют:	«Басу юлы» (1970)
Премияләр:	(2008) З. Биишева премиясе (2000)
Бүләкләр:

Тәрҗемәи хәле

1938 елның 15 июлендә БАССР Кырмыскалы районы Абдулла авылында туган. Иске Бабич урта мәктәбен (1957), Уфада дәүләт университетын (1966) тәмамлый. 3 ел Кара диңгез флотында(1957-1960) хезмәт итә. Университетны бетергәч, «Совет Башкортстаны» газетасында эшли: Урал арты районнарында махсус хәбәрче була, республика матбугатында: «Һәнәк», «Агыйдел» журналларында (1980 елдан) әдәби хезмәткәр, Уфада китап нәшриятында, язучылар берлегендә (1987-1998) эшли.^[1]

Иҗаты

И. Кинҗәбулатов – лирик шагыйрь. Беренче китабы – «Басу юлы» (1970). «Сыерчыклар бала очыра» (1973), «Сөю иртәсе» (1988), «Мин-башкорт» (1993), «Аргамакта» (1998), «Хәерле иртә» (2004), «Тормыш китабы» (2013) шигырь китапларында тирән лиризм сизелә. Салават Юлаев, Габдулла Тукай, Мифтахетдин Акмулла, Шәехзадә Бабичка атап язган әсәрләре бар.^[2]

• 2008 елда Казанда «Урал курае» китабы нәшер ителде.

Бүләкләре, мактаулы исемнәре

• Салават Юлаев премиясе (2008) – «Замана тавышы» китабы өчен.
• Зәйнәп Биишева премиясе (2000)
• Сергей Чекмарев премиясе (2000)
• Рәми Гарипов премиясе (2001)
• Фатих Кәрим премиясе (2006)
• Мәҗит Гафури премиясе (2007)
• М. Өметбаев премиясе (2007)
• Наҗар Нәҗми премиясе (2014)^[3]
• Салават Юлаев ордены
• БР атказанган мәдәният хезмәткәре (2001)

ССРБ язучылар берлеге әгъзасы (1973)

2016 елның 2 июнь көнне 78нче яшендә мәрхүм.^[4]