Damask
From Wikipedia, the free encyclopedia
Remove ads
Damask (arab.: دمشق Dimašk, sijaline virkand: [dɪˈmaʃʔ], vai arab.: الشام Eš Šam, amuiževr.: דַּמֶשֶׁק Damešek) om Sirijan pälidn da kaikiš suremb lidn eläjiden lugun mödhe (toran Aleppo-lidnha näht vaste). Se om valdkundan agj (muhafaz).
Remove ads
Istorii
Eländpunkt mainitaškanzi läz 2500. vot EME. Möihe Evropha damaskan terast i stöklad 13. voz'sadan kahtendes poles. Vl 1300 Mongolijan sodaväged rikoihe lidnan äjid eläjid i tegihe surt varghut. Vl 1400 Tamerlanan väged panihe lidnad mantazole i sirdihe azegentegijoid da käziradajid Samarkandha.
Om ripmatoman Sirijan pälidnaks vspäi 1943. Vspäi 2012 tora lidnfartaloihe näht mureni äjid niid Rahvahanikoiden sodan aigan.
Remove ads
Geografijan andmused
Lidn sijadase valdkundan suvipäivlaskmas Sirijan Päivnouzmaižel mägitazangištol, 680 m ü.m.t. korktusel. Barad-jogi (arab.: بردى Baradá 71 km pitte) läbitab lidnad da kadotab nitjärvihe. Keskmeren rand sijadase 80 kilometras päivlaskmha Livanan territorijal.
Klimat om subtropine kuiv. Voden keskmäine lämuz om +17 C°, kezakun-sügüz'kun +24..+27,3 C°, tal'vkun-uhokun +6,1..+7,7 C°. Ekstremumad oma −12,2 C° i +46 C°. Kezaaigan minimum om +4,5 C° (kezaku), tal'vaigan maksimum om +29 C° (uhoku). Paneb sadegid 130 mm vodes, enamba kül'mkus-keväz'kus (20..26 mm kus), kuiv sezon oleskeleb sulakus-redukus (18 mm pordos), ei ole sadegid heinkus-elokus.
Damask jagase 23 lidnrajonaks (vl 2017).
Remove ads
Eläjad
Vl 2009 lidnan eläjiden lugu oli 1 711 000 ristitud, islamanuskojad-sunnitad oliba enambuses. Rahvahanikoiden sodan zavodindan jäl'ghe vl 2011 pagenuded mehed da pordaigaližed sirdanuded ližaduiba lidnan ristitištod znamasižešti.
Irdkosketused
 |
Damask Vikiaitas |
| Azijan pälidnad | ||
| Abu Dabi | Amman | Ankar | Astan | Ašhabad | Bagdad | Baku | Bandar Seri Begavan | Bankok | Beirut | Biškek | Dakk | Damask | Dili | Doh | Džakart | Dušanbe | El' Kuveit | Hanoi | Islamabad | Jerevan | Jerusalim | Kabul | Katmandu | Kuala Lumpur | Male | Manam | Manil | Maskat | Naip'jido | Nikosii | Pekin | Phen'jan | Pnompen' | Rijad | Sanaa | Seul | Singapur | Šri Džajavardenepura Kotte | Taškent | Tbilis | Tehran | Thimphu | Tokio | Ulanbatar | Uz' Deli | V'jent'jan | ||
Remove ads
Wikiwand - on
Seamless Wikipedia browsing. On steroids.
Remove ads