吴越人

吴越人，貤叫江浙人、吴越民系、江浙民系^[1]，是吴越地区居住个一个大型族群，使用吴语，主要分布于江苏南部、上海全境、浙江全境、安徽东南部（黄山市、宣城市、池州市等）、江西省东北部（上饶市）和福建北部（浦城县），乃朝是汉族民系个一部分^[2]^[3]^[4]。吴越人个名号取自吴越时代个吴越两国，历史搭仔史前个大部分地区侪是河姆渡文化、马家浜文化搭仔良渚文化咾啥个新石器时代文化个所在地，因得郡县化、历朝历代个统治、科举制度搭各许缘故，也慢慢接触融合成为现在个种文化，宋朝以后，反转因之科举丄个成就搭出文人士大夫出名。吴越人顶顶重要个文化特点是语言，乃朝吴越人一般以啊会得讲吴语划分。