河姆渡文化
From Wikipedia, the free encyclopedia
Remove ads
河姆渡文化是長江流域下游地區古老多姿個新石器文化，第一次(1973年)勒浙江餘姚河姆渡畀發現個，因而命名。俚主要分布勒杭州灣南岸個寧紹平原搭舟山島浪，經科學個方法測定，俚個年代為公元前5000年到公元前3300年，距今6000年到7000年。
Remove ads
介紹
搿個文化最早勒1973年畀發現，勒1973－74搭1977－78年兩次勒河姆渡遺址發掘。黑陶是河姆渡陶器個一大特色。勒建築方面，遺址當中發現之大量干欄式建築個遺蹟，勒食物方面，發現之大量水稻，經研究搿點水稻是人工栽培個水稻，此外植物殘存還有葫蘆、橡子、菱角、棗子等。動物方面有羊、鹿、猴子、虎、熊等野生動物，還有豬、狗、水牛等家養個牲畜。河姆渡文化個骨器製作比較進步，有耜、魚鏢、鏃、哨、匕、錐、鋸形器等器物，精心磨製而成，有種有柄骨匕、骨笄浪雕刻花紋或雙頭連體鳥紋圖案，就像是精美絕倫個實用工藝品。勒搿點出土文物當中，最重要個是發現之大量人工栽培個稻穀，搿是目前世界浪最古老、最豐富個稻作文化遺址。俚個發現，讓世界浪個弗少考古學者依此認為河姆渡可能是世界稻作文化個發源地。
特點
河姆渡文化個農具，最有代表性個特點是大量使用耒耜。
河姆渡文化個建築形式主要是樁架板高於地面個干闌式建築。干闌式建築是中國長江以南新石器時代以來個重要建築形式之一，目前河姆渡發現個是最早個。
勒人工製品浪，石器數量比較少，主要是斧等打獵工具，也有裝飾品。多個是木器搭骨器，其中發現中國最早個木製飾品「木雕魚」，其他包括木柄骨制個耕田用具耜搭刀鏟等切割器具，還有大量紡織工具。勒河姆渡出土之中國境內發現個最早個漆器，俚個陶器製作也有比較高個水平，估計最高燒成溫度要1000攝氏度。河姆渡陶器手工製作，非常厚實，呈灰黑色，表面一般打磨，儕有繩紋，或者雕刻植物、動物圖案。其他個河姆渡手工藝品，包括粗陶動物搭人偶，還有鳥類圖案個木雕搭象牙雕，其中以「雙火鳥」紋雕刻最為知名。
現存遺址
河姆渡文化是分布勒浙江杭州灣南岸平原地區到舟山群島個新石器時代個文化。佢個遺址包括：河姆渡遺址、田螺山遺址、鯔山遺址、鯗架山遺址、慈湖遺址、小東門遺址、傅家山遺址、名山後遺址、塔山遺址、白泉遺址、靈山遺址搭各許。
物事
河姆渡文化年代大概是公元前4360年-前3360年。 陶器以夾炭黑陶為主，少量加砂、泥質灰陶，均為手制，燒成溫度800-930℃。器型有釜、罐、杯、盤、缽、盆、缸、盂、灶、器蓋、支座等。器表常有繩紋、刻劃紋。有種彩繪陶，繪以咖啡色、黑褐色個變體植物紋。
河姆渡出土個紡輪、兩端削有缺口個卷布棍、梭形器搭機刀等，據推測搿點可能屬於原始織布機附件，顯示新石器時代已由手工編織發明之原始個機械。
河姆渡出土之相當多個骨哨，是一種樂器，也是一種狩獵時模擬動物聲音的狩獵工具。
生活
 |
箇篇文章個部分內容或者段落需要擴充，歡迎幫襯擴充來改善箇篇條目或者段落。 更多個訊息可能會得勒拉討論頁或者擴充請求里向尋著。 擴充條目完成後請拿脫隻模板。 |
Wikiwand - on
Seamless Wikipedia browsing. On steroids.
Remove ads