徐家匯藏書樓

徐家匯藏書樓（上海閑話：Zī-kā-wè Zāon-syū-lēu，拉丁語：Bibliotheca Zi-ka-wei），又稱天主敎藏書樓、匯堂石室，是一座勒拉上海徐家匯個歷史建築，乃朝已撥列爲第二批上海市優秀歷史建築。其爲天主敎耶穌會勒上海開辦個一所圖書館，創建勒1847年。目前共藏書56萬餘冊，其中包括2,000多冊1800年以前出版個珍貴西文古籍^[1]。

徐家匯藏書樓現址，圖中四層建築爲神父樓，是原徐家匯耶穌會總院

歷史

現存個徐家匯藏書樓包括兩幢建築：「南樓」又稱「神父樓」始建於1867年，是原徐家匯耶穌會總院個一幢樓，爲4層西式建築；與之相連個另一幢2層西式建築則是當時個藏書樓，現稱「藏經樓」，也稱「北樓」^[2]。1897年建成保留至今個迭座2層藏書樓，建築面積2000多平方米。箇是上海現代圖書館個雛形，1949年以前，箇𡍲是上海眾多個圖書館當中，以其豐富個中外藏書、設備搭建築佔有突出地位。樓下是中文書庫，仿清代收藏四庫全書個文瀾閣；二樓是西文書庫，仿梵蒂岡藏書樓個風格。1955年以前，箇𡍲爲神學院專用。1956年，藏書樓撥政府徵用，成爲上海圖書館個一個部分，專門收藏1949年以前出版個外文書籍，其中包括前亞洲文會圖書館、尚賢堂藏書、海光西方思想圖書館、上海租界工部局公共圖書館以及西僑青年會等處個藏書搭滬上各所大學院校圖書館轉調此處個外文書。^[2]

近況

藏書樓長期以來弗對外開放，讀者需憑單位介紹信才好進入查閱資料；因幾十年來管理維護弗善，曾出現地下室進水、地基下陷等嚴重建築問題，1990年代徐家匯地區建設地鐵站，市政府曾考慮拆脫迭幢樓，後經巴金等知名知識份子聯名呼籲才得以保留，並進行大力修繕^[1]。乃朝藏書樓作爲徐家匯源景區個一部分對所有公眾開放，可勒拉禮拜一到禮拜六個早浪9點到11點搭下半日個14點到16點半進行參觀，參觀範圍爲建築外觀搭1樓門廳。

交通

• 上海地鐵徐家匯站（上海軌道交通1號線、9號線、11號線）