绍兴市
中国浙江省个地级市 From Wikipedia, the free encyclopedia
Remove ads
绍兴市是中国浙江省下头个一个地级市，古代个辰光叫作越州、会稽、山阴，简称越，有2500年个历史。
Remove ads
历史
绍兴老早是越人个聚居地，春秋辰光成为越王勾践个国都，以此地为基础，成就东亚霸主个地位。到战国辰光，楚国征服越国。绍兴也受到个辰光楚国文化个交关影响，战国末期秦国征服楚国后，楚国大将个儿子项羽逃到会稽，从小来勒绍兴长大。后头伊带八千江东子弟，横扫北方中原，没有敌手。
到六朝辰光，绍兴成为东南地区个重镇，交关有名望个门阀侪来勒山阴，会稽两个地方。永和九年，江南门阀望族来勒山阴个兰亭聚会，书圣王羲之写出兰亭集序,成为东方书法个代表作品。
五代到北宋，绍兴属两浙十三州个两浙东路，是两浙东路个首府。南宋绍兴年拿伊名字从越州改成绍兴，取“绍祚中兴”个意思，再升绍兴府，是两浙东路首府搭仔南宋陪都。
绍兴个繁荣持续辰光相当长，从隋唐一直到明朝，涌现交关名士。绍兴师爷也成为帝国官场当中个标准配置。
地理
绍兴市勒拉浙江省中北部，钱塘江南岸，萧甬铁路搭仔杭甬高速公路上，杭州、宁波当中，西北去杭州67公里，东到宁波要108公里。绍兴勒拉浙东丘陵北部，宁绍平原中部，地势南高北低，会稽山纵贯市境，西面是诸暨盆地，东面是新嵊盆地；曹娥江横穿绍兴，向北流进钱塘江，还有杭甬运河东西横穿绍兴城，绍兴市市区水网密布，有水城越都、“东方威尼斯”个讲法。
方言
绍兴境内通行太湖片吴语，北部绍兴本市个言话属于汉语族吴语太湖片区临绍小片，搭周边个宁波、上海可以互通，是现代语言学上吴语四大传统方言基准点之一。绍兴话同大多吴语一样有全浊声母，没舌尖后音；弗分尖团，没儿化；声调保留中古四声，各分阴阳；所以绍兴话有发音爽亮，吐字质朴、沉实，声、韵、调排列严整等特点。
名人
名人辈出，有鲁迅，蔡元培，勾践，文种，范蠡、马臻，刘宠（一钱太守）、王朗（三国会稽太守）、王羲之、谢安、王献之、谢玄、谢灵运、谢琰、贺知章、陆游、唐琬、王冕、杨维桢、张岱 (明)、徐渭（徐文长）、陶行知、邵力子、范文澜、马一浮、许寿裳、俞大维、竺可桢、马寅初、陈建功、钱三强、杜亚泉、俞大绂、徐锡麟、秋瑾、周建人、陶成章、张秋人、俞秀松、陈伯平、陳儀、金炳华、李富荣、朱自清、周作人、孙优贤、周立伟、钟群鹏、冯长根、潘家铮 郑吉昌、章培恒、胡海牙、陈道明、六小龄童、王晶（生垃香港）、何傲儿、谢晋、曾培炎、俞正声、徐光春、尉健行
经济
绍兴个纺织业、小电机、节能照明、生物酿造业邪气发达。纺织业出口产品占世界纺织面料交易额个60%，绍兴中国轻纺城是世界顶顶大个纺织品交易市场。全市有国家重点扶持个高新技术企业260家，是浙江省唯一个“全国技术创新工程示范城市”。酒酿唻邪气好，绍兴个黄酒非常有名气，出名个有花雕咾啥个，绍兴酒还是非物质文化遗产。
交通
绍兴境内有104国道搭329国道。拥有6条高速公路。
名胜
绍兴蛮好个风景有：安昌古镇（腊月风情）、鲁迅故居（从百草园到三味书屋）、兰亭东湖（十里山水）、盆景沈园（千年爱情）、大禹陵、仓桥直街、八字桥、新昌大佛寺、秋瑾碑、黄帝陵、越王庙、吼山。
柯岩、鉴湖、鲁镇、香林等地方是国家4A级景区。
乌篷船是用脚划动个黑棚木船，是绍兴地区特有个，现成为旅游特色。
参考资料
Wikiwand - on
Seamless Wikipedia browsing. On steroids.
Remove ads