Pang-chān:周思齊

From Wikipedia, the free encyclopedia

Remove ads

周思齊1981年10月26出世),是臺灣阿美族一个已經退休兮職業野球選手,偏名「周董」,嘛有「中職劉德華」佮因為2013年世界野球經典賽兮好表現得着兮「亞洲選球王」稱號。周思齊佇球員時期佇誠泰COBRAS米迪亞暴龍兄弟象中信兄弟等球團效力,守備位置是左外野手,捌兼任助理教練。

Quick facts 周思齊, 初次出賽 ...
Remove ads

經歷

天主教輔仁大學體育學系畢業,國立臺灣師範大學臺灣史研究所研究生。

  • 花蓮縣立光復國民小學跤球隊
  • 花蓮縣立光復國民小學少棒隊
  • 花蓮縣立光復國民中學青少棒隊
  • 高雄縣高苑工商青棒隊
  • 天主教輔仁大學野球隊(中興保全)
  • 中華職棒誠泰COBRAS代訓球員,正式球員(2005-2007年)
  • 中華職棒米迪亞暴龍(2008年)
  • 中華職棒兄弟象(2009年1月-2014年1月4號)
  • 中華職棒中信兄弟(2014年1月5號-2024年)

職業生涯

誠泰Cobras時期

周思齊佇2005年8月順利加盟誠泰Cobras。拄加盟職棒兮時,無法度佇以打擊火力著稱兮誠泰Cobras搶着外野手兮先發位置,一直到進入職棒兮第三冬(2007年)才有固定兮先發機會,佮謝佳賢、楊睿智佮丘昌榮四个是當年誠泰隊兮主力外野手。

米迪亞暴龍時期

2008年誠泰Cobras賣予米迪亞,成做米迪亞暴龍隊。這年周思齊雖然干焦摃出4發hőng-bú-láng,比舊年兮7發閣較少,但是0.330打擊率、12擺偷壘成功,閣得着最佳十人獎,已經算是𣍐 ()䆀兮成績矣。但是因為米迪亞暴龍隊發生「烏米事件」,球隊夆除名,周思齊面臨失業兮危機。落尾伊佇特別選秀會內底予兄弟象佇第三輪揀着。

兄弟象時期(含中信兄弟)

佇2009年到2011年,佮隊友彭政閔陳冠任做伙組成「黃金新三劍客」,成做關鍵致勝兮組合。

2012年以0.365/0.462/0.587優異兮打擊三圍得着年度MVP。2013年11月5號,決定成做自由球員[chù 1],成做中職史上第4位行使自由球員(FA)權利兮球員[chù 2],落尾留佇中信兄弟[chù 3]

2024年3月15,周思齊宣佈欲佇年尾引退,結束20冬兮球員生涯。9月21到22兮周思齊引退主題日予臺北大巨蛋連紲兩工滿場,其中9月21賽後閣有五月天來表演[1]。周思齊佇9月22佮味全龍兮比賽結束了後引退,嘛代表捌佇誠泰COBRAS效力過兮球員全部攏引退矣。

Remove ads

活動

周思齊近年回饋故鄉兮基層野球,成立「球芽基金」、周思齊培育基層野球人才獎助學金,[2]希望會使培育較濟野球人才。

周思齊嘛佇2018年當選並且擔任中華職棒球員工會理事長,伊兮前一任理事長是胡金龍,後一任是陳傑憲

成棒國手經歷

生涯成績

  • 粗烏字是彼年上好抑上懸兮成績)
More information 年度, 球隊 ...
Remove ads

特殊事蹟

  • 2006年6月21,佇新竹野球場對戰兄弟象,面對投手王勁力摃出職棒生涯頭一支代打全壘打
  • 2007年6月20,佇新莊野球場對戰中信鯨,摃出右外野方向兮代打滿壘全壘打,嘛是職棒生涯頭一支滿壘全壘打
  • 2008年烏米事件發生了後,佮郭銘仁成做唯二參加中華職棒19年頒獎典禮兮米迪亞暴龍球員。因為佇烏米事件捌予檢察官訊問兮關係,雖然周思齊是證人兮身份,但是伊兮清白彼當陣猶原夆懷疑,[3]所以發表得獎感言兮時捌喉滇[4]
  • 2012年7月19,佇臺南市立野球場對戰統一7-ELEVEn獅,六局上面對高建三摃出hőng-bú-láng,生涯壘打數達成1,000,是聯盟史上第30儂。
  • 2012年9月22,佇天母野球場對戰Lamigo桃猿,一局下半面對曾兆豪摃出兩分hőng-bú-láng,是彼季第20支,成做隊史第六个達成單季20轟以上兮球員,本土球員第三儂。
  • 2013年3月8號,世界野球經典賽複賽對戰日本隊,8局下面對日本王牌田中將大敲出一支有一分打點兮一壘安打,共三壘兮彭政閔送轉來,予中華隊3比2領先日本。但是後來中華隊無法度共勝利守落來,落尾以4:3輸予日本。
  • 2013年4月13,佇天母野球場對戰Lamigo桃猿,九局下半兩爿0比0平手,一出局一二壘有走者,面對謝長融拍出左外野方向兮安打,是生涯頭一支再見安打,幫助球隊以1比0得着勝利,嘛結束球隊兮五連敗。[5]
  • 2013年7月11,佇桃園國際野球場對戰Lamigo桃猿,八局上偷壘成功,達成中華職棒史上第一萬擺兮偷壘成功。[6]
  • 2015年4月26,佇桃園國際野球場對戰Lamigo桃猿七局上,拍出左外野方向兮安打,達成職棒生涯1,000支安打,是中華職棒史上第15位。
  • 2015年6月4號,佇新竹野球場對戰Lamigo桃猿摃出生涯頭一支再見hőng-bú-láng,是一支滿貫砲。
  • 若周思齊表現無好,PTT兮鄉民着會共叫做「甩恩齋」,後來周思齊着用這个偏名開發一寡以「甩」為主兮商品。[7]
  • 2017年6月29,佇洲際野球場對戰Lamigo桃猿林樺慶摃出生涯第100支hőng-bú-láng。
  • 2018年8月2號,佇桃園國際野球場對戰Lamigo桃猿,三局上面對林樺慶摃出右外野方向兮孤分hőng-bú-láng,八局上面對黃偉晟摃出右外野方向兮孤分hőng-bú-láng,九局上面對林國裕摃出右外野方向兮孤分hőng-bú-láng,是中華職棒史上第29擺三響砲,達成職棒生涯700分得分,是中華職棒史上第27位。
  • 2020年10月4號,佇新莊野球場對戰富邦悍將,八局上面對林羿豪摃出一支hőng-bú-láng,創下達成單季20支hőng-bú-láng兮球員內底年歲上懸兮紀錄。[8]
  • 2021年11月10號,佇臺南市立野球場對戰統一7-ELEVEn獅,拍出生涯第1,700支安打,是聯盟第5儂。
  • 2024年6月16,佇臺北大巨蛋對戰統一7-ELEVEn獅,八局下面對投手Brock拍出安打了後偷壘成功,成做聯盟歷史上第9位達成千安百轟百偷兮球員。
Remove ads

註跤

  1. 中華職棒規定,行使自由球員權利愛拍滿9个球季着會使申請。
  2. 前三位是彭政閔潘威倫陽建福,毋過最後攏選擇留佇原本兮球隊,一直到2016年才有林智勝成功轉隊兮案例。
  3. 兄弟象佇2014年1月正式賣予中信金控,成做「中信兄弟」隊。

參考資料

外部連結

Loading related searches...

Wikiwand - on

Seamless Wikipedia browsing. On steroids.

Remove ads