Pang-chān:王威晨
From Wikipedia, the free encyclopedia
Remove ads
王威晨(1991年7月3號出世),是臺灣阿美族兮野球選手,目前佇中華職棒中信兄弟效力,並且擔任隊長,守備位置是內野手,主要是咧做三壘手,嘛通擔任外野手。
![]() |
Chit phiⁿ bûn-chiuⁿ ū Pe̍h-ōe-jī ê pán-pún. Chham-khó chit phiⁿ bûn-chiuⁿ ê Pe̍h-ōe-jī pán-pún. |
Remove ads
生涯
王威晨佇臺北市出世,是前兄弟象野球選手王光輝
2007年參加第五屆東高盃全國青棒錦標賽,得着功勞獎。
2009年參加第二屆臺灣盃高中野球錦標賽,得着最佳內野手。
王威晨佇2015年選秀會內底予中信兄弟以第13指名揀着,簽約金30萬箍,閣有30萬激勵獎金。
2016年4月26佇嘉義市立野球場對戰Lamigo桃猿兮比賽,第七局頭一擺佇一軍替補上場[1],佮阿爸王光輝成做臺灣職棒史上頭一對佇一軍出賽兮爸仔囝。佇二軍表現了誠好兮王威晨,2017年8月
2017年參加亞洲冬季野球聯盟,攏總出賽19場,敲出27支安打,打擊三圍是0.397、0.512、0.544,其中打擊率佮上壘率攏是大會上好兮,夆選做中職聯隊兮MVP,獎金萬五箍。
2018年球季上下半季各22偷,攏總44偷,得着彼年兮偷壘王,嘛是伊中職生涯頭一个個人獎項。
2019年11月16,佇2019年世界野球12強賽對戰澳洲隊兮比賽內底,七局下佇一三壘有儂兮局面敲出安打,共中華隊兮超前分拍轉來,得着單場MVP。落尾嘛夆選做彼屆兮最佳三壘手。
2021年球季王威晨拍出159支安打,成做彼年兮安打王,嘛是伊中職生涯頭一个打擊獎項。
佇2021年、2022年佮2024年王威晨攏佇明星賽得着上濟票,成做15連霸兮彭政閔引退了後兮頭一个人氣王[chù 1],嘛因為王光輝有「萬人迷」兮偏名,所以王威晨着夆號做「萬人迷二世」。
Remove ads
經歷
成棒國手經歷
職棒生涯成績
- (粗烏字是彼年上好抑上懸兮成績)
Remove ads
特殊事蹟
- 2016年4月29,佇新竹野球場對戰統一7-ELEVEn獅兮比賽,九局上代打敲出倒外野誠遠兮三壘安打,是伊中職頭一支安打,嘛因為按呢予隊友周思齊請一禮拜兮咖啡[2]。
- 2017年8月27,佇洲際野球場對戰富邦悍將,七局下達成個人職棒生涯頭一擺偷壘成功。
- 2017年9月6號,佇斗六野球場對戰富邦悍將,單場三支安打兮表現,予伊得着生涯頭一个單場MVP[3]。
- 2017年9月17,佇新莊野球場對戰Lamigo桃猿,拍出含阿爸王光輝攏毋捌達成過兮「單場六分打點」,佮隊史本土選手紀錄平濟[4],並且得着單場MVP。
- 2018年4月5號,佇新莊野球場對戰富邦悍將,九局上達成本季第四擺偷壘成功,這嘛是中信兄弟隊史第2500擺偷壘成功。
- 2018年9月13,佇臺中洲際野球場對戰統一獅,七局下完成本季第四十擺偷壘成功,成做中職第八位單季40偷兮選手。
- 2019年9月4號,佇桃園國際野球場對戰Lamigo桃猿,四局上面對先發投手尼克斯摃出個人職棒生涯兮頭一支 hőng-bú-láng。
- 2019年10月12,佇臺灣大賽頭一戰佇桃園國際野球場對戰Lamigo桃猿,六局上面對先發投手李茲摃出職棒生涯佇總冠軍賽兮頭一支 hőng-bú-láng。
- 2020年5月30,佇新北市立新莊野球場對戰富邦悍將,頭一局面對先發投手伍鐸敲出安打,28場比賽着拍出50安,超過 sia̋n-pái 彭政閔成做中職兮新紀錄[5]。
- 2021年7月28,佇臺南市立野球場對戰統一7-ELEVEn獅,五局上面對中繼投手潘威倫拍出倒外野平飛安打,上壘了後閣偷壘成功,達成生涯百偷兮紀錄。
- 2023年6月21,佇臺中洲際野球場對戰統一7-ELEVEn獅,六局下面對後援投手傅于剛摃出生涯頭一支滿壘 hőng-bú-láng。
- 2023年8月11,佇洲際野球場對戰味全龍,十二局下面對後援投手羅華韋敲出生涯頭一支再見安打,佮2001年阿爸王光輝兮生涯上尾一支再見安打仝一工。
- 2025年4月5號,佇洲際野球場對戰統一獅,十局下面對後援投手邱浩鈞敲出再見安打,嘛是伊生涯第1000支安打,除了是中職頭一个用再見安打達成千安兮選手以外,佮阿爸王光輝嘛成做中職頭一對攏達成千安兮爸仔囝。仝一日味全龍兮朱育賢嘛達成生涯千安,是聯盟史上頭一擺有兩儂佇仝一日達成生涯千安[6]。
Remove ads
註跤
參考資料
外部連結
Wikiwand - on
Seamless Wikipedia browsing. On steroids.
Remove ads