母語
講話者喺童年時期自然噉獲得嘅第一語言，亦都係第一語言 From Wikipedia, the free encyclopedia
Remove ads
母語（粵拼：mou5 jyu5），又叫第一語言（語言學簡寫 L1，取自英文 Language 1），係指一個人仲係蘇蝦仔嗰陣，由屋企人或者照顧者嗰度學識講嘅語言（或者話），通常只有一隻。呢種學習過程係唔使有意識噉諗嘅。母語嘅相對係第二語言。
喺概念上，母語同祖裔語言好接近，祖裔語言大致上可以理解做祖輩所講嘅母語。一個人嘅祖裔語言通常會係佢母語，但係都唔一定：喺廿一世紀初，唔少父母都嫌自己嘅母語「學嚟都冇用」所以唔肯同仔女講自己母語，搞到仔女嘅第一語言變咗唔係祖裔語言。
嗌法
喺各語言入邊，母語呢個概念嘅名如下：
- 粵語：母語（mou5 jyu5），可以理解做「阿媽嘅語言」或者「由阿媽嗰度學到嘅語言」噉嘅意思。
- 英文：mother tongue / first language
- 德文：Muttersprache
- 葡文：língua materna
- 西班牙文：lengua materna
而祖裔語言（下邊有詳細啲講）就係
概念釐清
睇埋：第二語言
界定母語
内文：語言習得
母語係一個人「人生第一隻用嘅語言」：齋靠日常觀察經已可知，喺一個蘇蝦仔生命頭嗰幾年，佢會一路聽住身邊啲大人（屋企人或者照顧者）講嘢，甚至觀察啲大人傾偈；互動到咁上下，個細路就會慢慢牙牙學語學識講嘢；佢响呢個時候學識講嗰隻語言，就係佢嘅 L1 [1]:p. 7。
要留意嘅係，寫嘢同講嘢係兩種好唔同嘅過程。一個人可以講嘢完全冇問題，但唔識讀寫（文盲）或者讀寫有困難（讀寫障礙）；而唔識講嘢嘅聾啞人士可以寫嘢寫得好流暢。上述呢個定義，著重嘅係講嘢。有學者就噉講：
對於人類嚟講，口語係主要嘅，而書面語就係次要嘅。所有語言都有口語，但係得一部份有得寫低。所有人細個嗰陣都會學講嘢，但係有好多人都唔會學識寫字。對細路嚟講，學講嘢係自動嘅，而學寫嘢就一定要有意識噉學。[2]:1.1
响依個定義之下，就算一個細路好早就學某隻語言，都唔表示隻語言係佢嘅母語：想像依家有一個粵藉華人細路，佢喺加拿大卑詩省長大，佢屋企係講粵語嘅，佢同父母以及第啲長輩講嘢一路都係以粵語為主嘅；同時個細路好細個就有接觸英文，兩三歲返幼稚園嗰陣已經有上英文堂，最後佢大個咗能夠純熟噉講同寫英文[註 1]。响呢個情況下，英文雖然佢好早就學，但係佢學英文嘅途徑唔係「喺生命早期，透過聽屋企人講嘢以及同屋企人互動」噉嚟學，所以英文依然唔算係佢嘅母語[3]。
祖裔語言
睇埋：遺產語言
祖裔語言就係一個同母語好相似嘅概念。一個人嘅祖裔語言大致可以理解為「佢祖先嘅母語」，通常但唔一定會係佢嘅母語。
舉個具體例子說明，想像有個蘇蝦仔，暫且叫佢做明仔，明仔對上五代祖先都係以粵語做母語嘅粵藉華人；明仔屋企阿爺阿嫲嗰代就移咗民過加拿大卑詩省；明仔嘅家人唔重視粵語，覺得粵語「學嚟嘥時間」，其後明仔父母為咗想佢學英文學得好啲，就選擇咗淨係用英文同明仔交流，唔肯喺明仔面前講粵語；明仔自細好少可接觸粵語，等到佢大個咗，佢就淨係識英文，完全唔識粵語[4]。對於明仔嚟講，英文可以算係佢嘅母語，因為佢「喺生命早期由屋企人嗰度學」嘅語言的而且確係英文，不過佢嘅祖裔語言依然係粵語[5]。
值得一提嘅係，事實上有唔少父母都嫌自己嘅母語「學嚟都冇用」，唔肯用母語同仔女講嘢，搞到啲仔女 L1 變咗唔係祖裔語言，大個咗就唔識得同阿爺阿嫲傾偈。呢種現象喺廿一世紀初廣受關注。詳情可以睇睇語言威望、雙層語言、語言磨蝕同語言重振等嘅概念。
Remove ads
學習過程
有唔少語言學專家都著力研究學第二語言（SLA）同學母語（FLA）之間有乜嘢分別[6]。
首先，FLA 通常主要係由屋企人（或者照顧者）做嘅，當中照顧者包括父母、幫手湊孫嘅阿爺阿嫲... 等等——細路學母語，唔使人特登教，照顧者成日喺佢身邊用母語講嘢，個細路聽聽吓就會學識用母語講嘢；相比之下，學第二語言就傾向會係形式化噉做嘅，會由老師等嘅人員教細路學。因為噉，一個人學母語嘅過程係由內隱知識主導嘅。
SLA 同 FLA 會有以下呢啲分別[6]:5.2.1：
- 學母語正常嚟講唔會跟咩教學大綱；
- 有人用廿一世紀初嘅英文做 FLA 研究，觀察家長點樣同學緊講嘢嘅細路講嘢，發現家長成日都唔改正細路嘅文法，淨係改正啲唔真確嘅內容——即係話家長同細路講嘢嗰時，重視嘅係信息唔係形式[註 2]。用粵語諗嘅話，想像有個阿嫲同個學緊講嘢嘅孫仔講嘢[6]:B5.3－
呀噉。
相關嘅文
註釋
來源
Wikiwand - on
Seamless Wikipedia browsing. On steroids.
Remove ads