7 September

Gebeure

878 – Pous Johannes VIII kroon Lodewyk II as koning van die Franke.
1159 – Pous Alexander III volg Pous Adrianus IV op.
1191 – Saladin word tydens die derde kruistog in die Slag van Arsuf verslaan.
1303 – Pous Bonifatius VIII word gevange geneem deur Guillaume de Nogaret en Sciarra van Colonna.
1714 – Die Bekragtiging van die Rastatter Vrede by 'n vredeskongres in Baden im Aargau beëindig die Spaanse Opvolgingsoorlog.
1818 – Karel III van Swede word as koning van Noorweë gekroon.
1822 – Brasilië verklaar onafhanklikheid van Portugal.
1940 – Die Blitz begin toe Nazi-Duitsland bomme op Londen laat val in die eerste van 57 opeenvolgende nagte van bombardering.
1974 - Die Lusaka-ooreenkoms tussen FRELIMO en die nuwe Portugese regering word onderteken. Daarvolgens onderneem Portugal om onafhanklikheid aan Mosambiek toe te ken.
1974 - Die Lusaka-ooreenkoms veroorsaak dat Portugese burgers in opstand kom in Lourenço Marques, Mosambiek. Die middestade en hawe word oorgeneem.
1977 – Verdrae tussen Panama en die VSA oor die status van die Panama-kanaal word geteken. Die VSA stem toe om beheer oor die kanaal oor te dra aan Panama teen die einde van die 20ste eeu.
1986 – Desmond Tutu word die eerste swart Aartsbiskop van Kaapstad en leier van die Anglikaanse kerk in Suid-Afrika.

1992 – In Bhisho in die voormalige Ciskei tuisland van Suid-Afrika sterf 24 mense en word 150 beseer toe soldate vyf minute lank blindelings op 'n 50 000-sterk ANC-betoging onder leiding van Cyril Ramaphosa skiet.
1997 – Prinses Diana van Wallis word in die Verenigde Koninkryk begrawe.
1997 – Die eerste toetsvlug van die Lockheed Martin F-22 Raptor vind plaas.
1998 – Google Inc. word gestig.
1999 – 'n Groot aardbewing in Athene, Griekeland laat enkele geboue ineenstort en 150 mense sterf.
2007 – Die sesde Rugbywêreldbeker begin in Frankryk.
2010 – Israel sluit by die OESO aan.
2021 – Bitcoin word wettige betaalmiddel in El Salvador.

Remove ads

Geboortes

1533 – Koningin Elizabeth I van Engeland († 1603).
1756 – Willem Bilderdijk, Nederlandse geskiedkundige, digter en advokaat. († 1831).
1801 – Sarel Cilliers, Voortrekkerleier († 1871).
1850 – Henry Barber, grootwildjagter, ontdekkingsreisiger en sakeman († 1920).
1869 – Genl. Ben Viljoen, Boereoorlogstryder († 1917).
1884 – Lydia van Niekerk, eerste Afrikaanse vrou wat 'n professor geword het op Stellenbosch († 1929).
1908 – Michael DeBakey, bekende hartchirurg wat die hartvatomleidingchirurgie ontwikkel het († 2008).
1914 – James van Allen, Amerikaanse ruimtewetenskaplike († 2006).
1930 – Yuan Longping, Chinese onderwyser en landboukundige († 2021).
1939 – Stanislav Petrov, Sowjetse luitenant-kolonel († 2017).
1948 – Khalifa bin Zayed Al Nahayan, President van die Verenigde Arabiese Emirate sedert 2004 († 2022).
1963 – Carel van der Merwe, Suid-Afrikaanse skrywer, historikus en sakeman.
1965 – Angela Gheorghiu, Roemeense sopraan.
1981 – Vladimir Kara-Murza, Russies-Britse politieke aktivis, joernalis en skrywer, voormalige politieke filmmaker.

Remove ads

Gebeure