Tagalog

Tagalog (Wikang Tagalog, [tɐˈɡaːloɡ]) is die belangrikste taal van die Filippyne en vorm saam met Engels die de facto amptelike tale van die Filippyne, met Filippyns as die de jure amptelike taal. Die taal word veral op die hoofeiland Luzon rondom die hoofstad Manila in die Sentraal-Filippyne gepraat. Daarbenewens word Tagalog deur emigrante in die Verenigde State gepraat, veral in die deelstate Hawaii en Kalifornië.^[2] Dit is die grootste nie-Engelse taal van Hawaii, sowat 17,7% van alle huishoudings gebruik Tagalog.^[3]

Tagalog Wikang Tagalog
Uitspraak:	[tɐˈɡaːloɡ]
Gepraat in:	Filippyne  Verenigde State
Gebied:	Suidoos-Asië
Totale sprekers:	25 miljoen[1]
Taalfamilie:	Austronesies  Maleis-Polinesies   Wes-Maleis-Polinesies    Sentraal-Filippyns     Tagalog
Skrifstelsel:	Latynse alfabet Baybayin-skrif (histories)
Amptelike status
Amptelike taal in:	Filippyne de facto, as Filippyns de jure
Gereguleer deur:	Komisyon sa Wikang Filipino
Taalkodes
ISO 639-1:	tl
ISO 639-2:	tgl
ISO 639-3:	tgl

   Noordelike Tagalog-dialekte

   Sentrale Tagalog-dialekte

   Suidelike Tagalog-dialekte

   Marinduque-dialekte

Tagalog se Baybayin-skrif

Die naam "Tagalog" is afgelei van die endoniem taga-log ("rivierbewoner"), saamgestel uit tagá- ("inheems" of "van") en ilog ("rivier").

Taalkundiges klassifiseer Tagalog as 'n Maleis-Polinesiese taal wat nou verwant aan Cebuano is. Dit is ietwat minder verwant aan Indonesies en Maleis en het daarnaas nog 'n los verbintenis met Malgassies in Madagaskar.

Sien ook

• Tagalog Wikipedia