Ізабелін (Берасьцейская вобласьць)

Ізабе́лін^[1] — вёска ў Беларусі, каля каналу Боны. Уваходзіць у склад Хідрынскага сельсавету Кобрынскага раёну Берасьцейскай вобласьці. Знаходзіцца за 14 км на паўднёвы ўсход ад гораду і чыгуначнай станцыі Кобрыня, за 56 км ад Берасьця, на аўтамабільнай дарозе Кобрынь — Дзівін.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Ізабелін (неадназначнасьць).

Ізабелін лац. Izabielin
Першыя згадкі:	1563
Краіна:	Беларусь
Вобласьць:	Берасьцейская
Раён:	Кобрынскі
Сельсавет:	Хідрынскі
Насельніцтва:	48 чал. (2010)
Часавы пас:	UTC+3
Тэлефонны код:	+375 1642
Паштовы індэкс:	225866
СААТА:	1243855026
Нумарны знак:	1
Геаграфічныя каардынаты:	52°6′35″ пн. ш. 24°25′7″ у. д.
Ізабелін на мапе Беларусі ± Ізабелін Ізабелін

Гісторыя

Вялікае Княства Літоўскае

У 1563 годзе ўпамінаецца як Гварычы — сяло ў Кобрынскай эканоміі Вялікага Княства Літоўскага, 11 валок зямлі. У 1629 годзе ўпамінаецца зямянін Мікалай Вырыкоўскі.

Пад уладай Расейскай імпэрыі

У выніку трэцяга падзелу Рэчы Паспалітай (1795 год) Ізабелін апынуўся ў складзе Расейскай імпэрыяй, у Кобрынскім павеце, з 1801 году ў Гарадзенскай губэрні. У 1890 годзе Ізабелін — маёнтак (уладаньне Э. Выржыкоўскага) у Блоцкай (Балоцкай) воласьці, 362 дзесяціны зямлі.

За часамі Першай сусьветнай вайны ў 1915 годзе Ізабелін занялі войскі Нямецкай імпэрыі.

Найноўшы час

25 сакавіка 1918 году згодна з Трэцяй Устаўной граматай Ізабелін абвяшчаўся часткай Беларускай Народнай Рэспублікі. 1 студзеня 1919 году ў адпаведнасьці з пастановай І зьезду КП(б) Беларусі ён увайшоў у склад Беларускай ССР, у Берасьцейскі павет («падраён») Баранавіцкага раёну^[2]. Паводле Рыскай мірнай дамовы 1921 году Ізабелін апынуўся ў складзе міжваеннай Польскай Рэспублікі, у Блоцкай (Балоцкай) гміне Кобрынскага павету Палескага ваяводзтва, незаселены (на 1921 год).

У 1939 годзе Ізабелін увайшоў у БССР. На 1940 год тут існавалі хутары, 11 двароў. У нямецка-савецкую вайну Ізабелін акупавалі нямецкія захопнікі з чэрвеня 1941 году да ліпеня 1944 году.

На 1999 год ў Ізабеліне было 33 гаспадаркі, у складзе калгасу «Зара» (з 2004 году СВК «Узыходзячая зара»; цэнтар — вёска Хідры), працавала крама. На 2005 год — 34 гаспадаркі.

Насельніцтва

• XX стагодзьдзе: 1905 год — 16 чал.; 1940 год — 38 чал.; 1970 год — 118 чал.; 1999 год — 69 чал.
• XXI стагодзьдзе: 2005 год — 65 чал.; 2010 год — 48 чал.

Славутасьці

З паўночнага ўсходу ад вёскі захаваўся парк былой сядзібы Вырыкоўскіх, прасочваецца яго плян.