Айгуста

Айгуста (Агуста), Айгуст (Агуст) — жаночае і мужчынскае імёны, а таксама вытворнае ад іх прозьвішча.

Eggusta
Паходжаньне
Мова(-ы)	германскія
Утворанае ад	Agi + суфікс з элемэнтам -ст- (-st-)
Іншыя формы
Варыянт(ы)	Айгуст, Агуста, Агуст
Зьвязаныя артыкулы
якія пачынаюцца з «Айґуста»

Паходжаньне

Асноўны артыкул: Імёны ліцьвінаў

Эгуста або Эгуст (Eggusta, Ekgusta^[1][2][3], Egustus^[4]) — імя германскага паходжаньня^[5][6][7]. Іменная аснова -эйх- (-эй-) (імёны ліцьвінаў Эйгерд, Эйман, Эймунт; германскія імёны Eygerd, Eimann, Eymunt) адпавядае аснове ег- (аг-, ек-) (утварылася ў выніку пераходу g' > j^[8]) і паходзіць ад гоцкага agi 'лязо, булат, меч'^[7].

Варыянты імя ў гістарычных крыніцах: а Пльсковичемъ дастъ князя Аигуста (Наўгародзкі першы летапіс)^[9]; княжна изъ Литвы именемъ Литовьскимъ Аигуста (Цьвярскі летапіс)^[10]; чоловеков… Огустович (1440—1492 гады)^[11]; Agustowicz (XVIII ст.)^[12]; Klara Agusta (1799 год)^[13].

Носьбіты

• Айгуст — князь пскоўскі ў другой палове XIII стагодзьдзя^[14]
• Айгуста (у праваслаўі Настасься; каля 1320—1345) — вялікая княгіня маскоўская, дачка вялікага князя літоўскага Гедзіміна