Алекс Мэрэт

А́лекс Мэрэ́т (па-італьянску: Alex Meret; нар. 22 сакавіка 1997 году) — італьянскі футбаліст, брамнік клюбу «Напалі» і нацыянальнай зборнай Італіі.

Алекс Мэрэт
Пэрсанальная інфармацыя
Нарадзіўся	22 сакавіка 1997(1997-03-22)[1][2] (28 гадоў) Удынэ, Італія[3]
Рост	190 см
Вага	82 кг
Пазыцыя	брамнік
Клюбная інфармацыя
Клюб	Напалі
Нумар	1
Клюбы
Гады	Клюб	Гульні (галы)¹
2015—2018	Удынэзэ	0 (0)
2016—2018	→ СПАЛ	43 (0)
2018—4	Напалі	164 (0)
Зборныя
2018—2019	Італія (да 21)[d]	5 (0)
2019—4	Італія	3 (0)
¹ Колькасьць гульняў і галоў за прафэсійны клюб лічыцца толькі для нацыянальнай лігі, адкарэктавана на 23 траўня 2025. ² Колькасьць гульняў і галоў за нацыянальную зборную ў афіцыйных матчах, адкарэктавана на 16 лістапада 2022.

Кар’ера

Клюбная

У сэзоне 2015—2016 гадоў Мэрэт, як выхаванец клюбу «Ўдынэзэ», быў пераведзены ў першую каманду ў якасьці другога галкіпэра пасьля Арэстыса Карнэзіса. Дэбютаваў у прафэсійным футболе 2 сьнежня 2015 году матчы Кубка Італіі супраць «Аталянты». У ліпені 2016 году Мэрэт быў выпраўлены ў арэнду ў клюб Сэрыі Б СПАЛ^[4]. Па вяртаньні з арэнды зноў быў накіраваны ў СПАЛ на яшчэ адзін сэзон^[5].

5 ліпеня 2018 году брамнік прыяднаўся да «Напалі» з 30 чэрвеня 2023 году. Сума трансфэру, узгодненая з «Удынэзэ», складала 35 мільёнаў эўра^[6][7]. Гулец дэбютаваў у эўрапейскіх турнірах 14 лютага 2019 году ў выязным пераможным матчы зь лікам 3:1 над швайцарскім «Цюрыхам» у першай двубойнай сустрэчы 1/8 фіналу Лігі Эўропы^[8][9]. Цягам першых двух сэзонаў у «Напалі» адбывалася ратацыя Мэрэта разам з калюмбійцам Давідам Асьпінам. Аднак пад кіраўніцтвам новага трэнэра клюбу Джэнара Гатуза італьянец часьцей апынаўся на лаўцы запасных да перапынку ў сэзоне з чыньніку пандэміі каранавірусу ў сакавіку 2020 году. Па дыскваліфікацыі Асьпіны перад фінальным матчам Кубка Італіі супраць «Ювэнтусу» Мэрэт зноў выйшаў у стартавым складзе і дапамог камандзе здабыць кубак краіны. У далейшым Мэрэт зноў ратаваўся з Асьпінам. Пры Лючана Спалецьці брамнік зноў стаў другім галкіпэрам каманды, пераважна баронячы браму толькі ў Лізе Эўропы і Кубку Італіі.

З сэзону 2022—2023 гадоў пасьля таго, як Асьпіна пакінуў клюб, Мэрэт стаў галоўным брамнікам каманды. Ён сыграў важкую ролю ў тым, каб нэапалітанскі клюб здабыў тытул чэмпіёну Італіі.

Міжнародная

У сакавіку 2017 году, пасьля ўражлівых выступаў у складзе СПАЛ у Сэрыі Б, Мэрэт быў выкліканы да складу нацыянальнай зборнай Італіі дзеля ўдзелу ў кваліфікацыі чэмпіянату сьвету на матч супраць зборнай Альбаніі і таварыскі матч супраць зборнай Нідэрляндаў^[10]. Брамнік дэбютаваў у асноўным складзе зборнай пад кіраўніцтвам трэнэра Рабэрта Манчыні 18 лістапада 2019 году, выйшаўшы на замену Сальваторэ Сырыгу ў хатнім пераможным матчы супраць зборнай Армэніі ў апошнім адборачным матчы Італіі да чэмпіянату Эўропы 2020 году^[11].

Дасягненьні

«Напалі»:

• Чэмпіён Італіі: 2023, 2025
• Уладальнік Кубка Італіі: 2020