Сальваторэ Сырыгу

Сальвато́рэ Сы́рыгу (па-італьянску: Salvatore Sirigu; нар. 12 студзеня 1987 году, Нуора, Італія) — італьянскі футбаліст, брамнік. Колішні гулец нацыянальнай зборнай Італіі.

Сальваторэ Сырыгу
Пэрсанальная інфармацыя
Нарадзіўся	12 студзеня 1987(1987-01-12)[1] (38 гадоў) Нуора[d], Сардынія, Італія
Рост	192 см[2]
Вага	80 кг[2]
Пазыцыя	брамнік
Клюбы
Гады	Клюб	Гульні (галы)¹
2006—2011	Палерма	69 (0)
2007—2008	→ Крэманэзэ	19 (0)
2008—2009	→ Анкона[d]	15 (0)
2011—2017	Пары Сэн-Жэрмэн	145 (0)
2016—2017	→ Сэвільля	2 (0)
2017	→ Асасуна	18 (0)
2017—2021	Тарына	141 (0)
2021—2022	Джэноа	37 (0)
2022—2023	Напалі	0 (0)
2023	Фіярэнтына	1 (0)
2023—2024	Ніцца	0 (0)
2024	Фатых Карагюмрук	17 (0)
2024—2025	Палерма	3 (0)
Зборныя
2004—2005	Італія (да 18)[d]	3 (1)
2005	Італія (да 19)[d]	2 (0)
2007—2009	Італія (да 21)[d]	3 (0)
2010—2021	Італія	28 (0)

Кар’ера

Сальваторэ Сырыгу пачаў кар’еру ў моладзевых камандах «Росада» й «Сынісколя», адкуль перайшоў у іншы моладзевы клюб, «Пуры й Форт». У 2002 годзе Сырыгу прайшоў прагляд у «Кальяры», але ўжо праз тыдзень ён быў «забракаваны»^[3]. У тым жа годзе ён прайшоў прагляд у «Вэнэцыі», і застаўся ў клюбе да 2005 году, выступаючы за моладзевы склад каманды. 22 жніўня 2004 году пасьля матчу Кубка Італіі супраць «Трыестыны» ў крыві Сырыгу быў знойдзены тэстастэрон-эпітэстастэрон са значэньнем 6, пры норме ў адну адзінку, за гэта галкіпэр мог быць дыскваліфікаваны на 8 месяцаў, чаго аднак ня здарылася з-за аналізу ягонай генэтычнай будовы цела^[4].

«Палерма»

У 2005 годзе Сырыгу перайшоў у «Палерма», стаўшы асноўным брамнікам моладзевага складу каманды й трэцім галкіпэрам асновы клюбу. 8 лістапада 2006 году ён дэбютаваў у складзе «расанэра» ў матчы Кубка Італіі супраць «Сампдорыі» (1:0). Наступныя два гады правёў у арэндах у італьянскіх клюбаў.

У 2009 годзе Сырыгу вярнуўся ў «Палерма» на ролю зьменшчыка асноўнага брамніка каманды, Рубіньнё. Пасьля некалькіх няўдалых матчаў бразыльца, у склад быў пастаўлены Сырыгу. Ён дэбютаваў у Сэрыі А ў матчы супраць «Ляцыё» (1:1), некалькі разоў выратаваўшы сваю каманду. У наступнай гульні супраць «Ювэнтусу» (2:0), ён выступіў беспамылкова^[5]. Пасьля гэтых матчаў Сырыгу цьвёрда стаў галкіпэрам нумар адзін у камандзе й працягнуў кантракт з клюбам да 2015 году з штогадовай заработнай платай у 135 тыс. эўра^[6]. У чэрвені 2011 году Сырыгу выказаў жаданьне застацца ў складзе «Палерма»^[7].

«Пары Сэн-Жэрмэн»

28 ліпеня 2011 году гулец падпісаў кантракт з францускім клюбам «Пары Сэн-Жэрмэн» тэрмінам на 4 гады^[8][9].

Міжнародная кар’ера

28 лютага 2010 году Сырыгу быў выкліканы ў склад нацыянальнай зборнай Італіі на матч супраць зборнай Камэруну^[10]. Усю гульню Сальваторэ правёў на лаве запасных. Першы матч за нацыянальную зборную згуляў 10 жніўня 2010 году супраць зборнай Кот д’Івуару (0:1).

Дасягненьні

«Пары Сэн-Жэрмэн»:

• Чэмпіён Францыі: 2013, 2014, 2015, 2016
• Уладальнік Кубка Францыі: 2015, 2016
• Уладальнік Кубка францускай лігі: 2014, 2015, 2016
• Уладальнік Супэркубка Францыі: 2013, 2014, 2015, 2016