Алесіё Чэрчы

Алесіё Чэрчы (па-італьянску: Alessio Cerci; нар. 23 ліпеня 1987 году, Вэлетры, Італія) — колішні італьянскі футбаліст, паўабаронца й нападнік. Былы гулец нацыянальнай зборнай Італіі.

Алесіё Чэрчы
Пэрсанальная інфармацыя
Нарадзіўся	23 ліпеня 1987(1987-07-23)[1] (38 гадоў) Вэлетры, Рым[d], Ляцыё, Італія
Рост	180 см
Вага	78 кг
Пазыцыя	паўабаронца, флянгавы паўабаронца
Клюбы
Гады	Клюб	Гульні (галы)¹
2003—2010	Рома	13 (0)
2006—2007	→ Брэшыя	21 (0)
2007—2008	→ Піза	26 (10)
2008—2009	→ Аталянта	13 (0)
2010—2012	Фіярэнтына	47 (12)
2012—2014	Тарына	71 (21)
2014—2017	Атлетыка Мадрыд	7 (0)
2015—2016	→ Мілян	29 (1)
2016	→ Джэноа	11 (4)
2017—2018	Вэрона	24 (3)
2018—2019	Анкарагюджу	12 (1)
2019—2020	Салернітана	10 (0)
2020—2021	Арэцца[d]	15 (0)
Зборныя
2003	Італія (да 16)[d]	6 (2)
2003—2004	Італія (да 17)[d]	9 (3)
2004	Італія (да 18)[d]	3 (1)
2004—2006	Італія (да 19)[d]	9 (1)
2005—2006	Італія (да 20)[d]	2 (1)
2007—2009	Італія (да 21)[d]	6 (1)
2013—2014	Італія	14 (0)

Кар’ера

Клюбная

Выхаванец футбольнай школы «Ромы». Дарослую футбольную кар’еру распачаў у 2003 годзе ў асноўнай камандзе таго ж клюбу, у якім правёў тры сэзоны, аднак зайграць ня здолеў, правёўшы за гэты час толькі пяць матчаў за галоўную каманду ва ўсіх турнірах. Таму з 2006 па 2009 гады Чэрчы па сэзоне гуляў на правах арэнды ў некаторых клюбах, пасьля чаго вярнуўся ў «Рому», дзе правёў яшчэ адзін сэзон, але зноў замацавацца ў асноўным складзе ня здолеў, выступаючы пераважна ў Лізе Эўропы.

Сваёй гульнёй за апошнюю каманду прыцягнуў увагу прадстаўнікоў трэнэрскага штабу «Фіярэнтыны», у склад якой далучыўся 26 жніўня 2010 году. Згуляў за «фіялак» наступныя два сэзоны сваёй кар’еры. Большасьць часу, праведзенага ў складзе «Фіярэнтыны», быў асноўным гульцом каманды.

Да табару «Тарына» далучыўся 23 жніўня 2012 году. У новым клюбе стаў лідэрам каманды, атрымаўшы запрашэньне ў зборную краіны. 1 верасьня 2014 году Чэрчы падпісаў трохгадовы кантракт з чэмпіёнам Гішпаніі клюбам «Атлетыка»^[2]. Сума трансфэру засталася невядомай.

5 студзеня 2015 году паводле дамовы «Атлетыка» зь «Мілянам» Алесіё перайшоў у італьянскі клюб на правах арэнды тэрмінам на 18 месяцаў, у адваротным кірунку перайшоў Фэрнанда Торэс.

Міжнародная

22 сакавіка 2013 году дэбютаваў у афіцыйных матчах у складзе зборнай Італіі ў таварыскім матчы супраць зборнай Бразыліі.