Піза (футбольны клюб)

«Пі́за» (па-італьянску: Pisa SC) — італьянскі футбольны клюб зь Пізы, якая месьціцца ў рэгіёне Таскана. Свае хатнія матчы каманда ладзіць на стадыён Арэна Гарыбальдзі, якая таксама называецца імём Рамэо Анканэтані.

Піза
Поўная назва	Pisa Sporting Club S.r.l.
Заснаваны	1909
Горад	Піза, Італія
Стадыён	Арэна Гарыбальдзі Умяшчальнасьць: 12 500[1]
Галоўны трэнэр	Альбэрта Джылярдына[2]
Чэмпіянат	Сэрыя А
· 2024—2025	Сэрыя Б, 2 месца (падвышэньне)
Галерэя здымкаў у Вікісховішчы pisasportingclub.com (італ.)

Гісторыя

Пасьля павышэньня ў Сэрыю Б у 1965 годзе «Пізе» спатрэбілася тры гады, каб упершыню дабрацца да Сэрыі А. Аднак каманда вылецела з найвышэйшага дывізіёну ў апошні дзень сэзону 1968—1969 гадоў.

«Піза» сэзону 1963—1964 гадоў.

Правёўшы большую частку 1970-х гадоў у Сэрыі С, «Піза» вярнулася ў Сэрыю Б у 1979 годзе. Да таго часу клюб быў пад кіраўніцтвам Рамэо Анканэтані. У 1982 годзе каманда вярнулася ў Сэрыю А, запачаткаваўшы час з шасьці з наступных дзевяці сэзонаў у элітным дывізіёне. З дацкім паўабаронцам Кляўсам Бэрггрэнам сярод зорак, «Піза» здолела заняць 11-е месца ў Сэрыі А сэзону 1982—1983 гадоў. У наступным сэзоне пізанцы страцілі месца ў найвышэйшым дывізіёне, а 15 тысяч заўзятараў прыехалі ў Мілян на лёсавызначальную перадапошнюю гульню. Вылет прынёс клюбу значныя фінансавыя цяжкасьці, і да 1994 году яны былі вымушаныя заглыбіцца ў Сэрыі С1. Адміністрацыя клюбу зрабіла рэфармаваньне структуры, але ў 1996 годзе каманда ўжо спаборнічала ў Сэрыі С2. У 1999 годзе «Піза» была ў Сэрыі С1. З тых часоў каманда імкнулася да дасягненьня статусу клюбу Сэрыі Б, чаго яна дасягнула ў 2007 годзе.

У траўні 2002 году ўладальнікам клюбу стаў Маўрыцыё Міяна^[3], які прызначыў ганаровым прэзыдэнтам «Пізы» нямецкую аўчарку Гюнтэра IV. У сэзоне Сэрыі С1 2002—2003 гадоў «Піза» дайшла да фіналу плэй-оф, але прайграла ў дадатковы час «Альбіналефэ». Прэзыдэнт Гюнтэр наведваў матчы і брахаў у падтрымку каманды. У 2005 годзе Міяна прадаў «Пізу»^[4]. У сэзоне 2005—2006 гадоў каманда, якая спачатку лічылася галоўным фаварытам на павышэньне, стала змагалася за вылет і пазьбегла вылету ў двух драматычных рэгіянальных дэрбі супраць «Масэзэ». У наступным сэзоне з новым трэнэрам П’ера Бральля «Піза» вярнулася да барацьбы за месца ў больш вышэйшых лігах. Дружына завяршыла рэгулярны сэзон на трэцім месцы і ў рэшце рэшт прабіліся праз плэй-оф, перамогшы «Вэнэцыю» ў паўфінале і «Монцу» ў фінале.

У сэзоне Сэрыі Б 2007—2008 гадоў, першым за 13 гадоў, Джан П’ера Вэнтура быў прызначаны на замену Бральлі на пасаду галоўнага трэнэра «нэрадзуры». Не зважаючы на першапачатковыя прагнозы аб месцы ў сярэдняй частцы турнірнай табліцы. Неблагія выступы «Пізы» прывялі каманду да барацьбы за наўпроставае прасоўваньне ў найвышэйшы дывізіён, у тым ліку дзякуючы нападніцкай лініі ў складзе Алесіё Чэрчы, Хасэ Ігнасьё Кастыльлё і Віталя Кутузава, якая аказалася адной з найлепшых у лізе. Клюб скончыў рэгулярны сэзон на шостым месцы, тым самым атрымаўшы месца ў плэй-оф за прасоўваньне, дзе пазьней пацярпеў паразу ад «Леччэ».

Склад

Актуальны на 23 жніўня 2025 году

№ Пазыцыя Імя Год нараджэньня 1 Бр Адрыян Шэмпэр  1998 3 Аб Самуэле Ангоры  2003 4 Аб Антоніё Карачалё  (капітан) 1990 5 Аб Сымонэ Канэстрэльлі  2000 6 ПА Марыюс Марын  1998 7 Нап Мэдзі Лерыс  1998 8 ПА Мальтэ Гёйгальт  2001 9 Нап Гэнрык Мэйстэр  2003 10 ПА Матэо Трамані  2000 11 ПА Хуан Куадрада 1988 12 Бр Нікалас Андрадэ  1988 14 ПА Эбэнэзэр Акінсанміра  (ар. Інтэр) 2004 15 ПА Ідрыса Турэ  1998 18 Нап М’Бала Нзола  (ар. Фіярэнтына) 1996 19 Аб Тамаш Эштэвіш  2002 20 ПА Мішэль Эбішэр  (ар. Балёньня) 1997 21 ПА Ісак Вурал  2006

№ Пазыцыя Імя Год нараджэньня 22 Бр Сымонэ Скуфэт  1996 26 Аб Франчэска Копаля 2005 32 ПА Стэфана Марэо  1993 33 Аб Артура Калябрэзі  1996 34 Бр Антэ Вукавіч 2004 36 ПА Габрыеле Пічыніні  2001 37 Нап Элія Джані  2000 44 Аб Даніель Дэноон (ар. Цюрых) 2004 45 Нап Аляксандар Лінд  2002 47 Аб Матэўс Лусуардзі  2004 77 Нап Мерт Дурмуш 2005 — Аб Адрыян Рус  1996 — Аб П’етра Бэруата  1998 — ПА Жан Еўшанак  2003 — Нап Алесандра Арэна  2000 — Нап Эдгарас Дубіцкас  1998 — Нап Эмануэль Віньята  2000