Алешандрэ Пату

Алешандрэ Радрыгес да Сылва (па-партугальску: Alexandre Rodrigues da Silva; нар. 2 верасьня 1989 году, Пату-Бранку, Бразылія) — бразыльскі нападнік. Колішні гулец нацыянальнай зборнай Бразыліі. Выхаванец школы бразыльскага «Інтэрнасьёналу». У жніўні 2007 году італьянскі «Мілян» абвесьціў аб куплі ў «Інтэрнасьёналу» Пату за 22 мільёны эўра.

Алешандрэ Пату
Пэрсанальная інфармацыя
Нарадзіўся	2 верасьня 1989(1989-09-02)[1][2] (35 гадоў) Пату-Бранку[d], Парана, Бразылія
Рост	180 см
Вага	77 кг
Пазыцыя	нападнік
Клюбы
Гады	Клюб	Гульні (галы)¹
2006—2007	Інтэрнасьёнал	10 (6)
2007—2013	Мілян	117 (51)
2013—2016	Карынтыянс	30 (9)
2014—2015	→ Сан-Паўлу	59 (19)
2016	→ Чэлсі	2 (1)
2016—2017	Вільярэал	14 (2)
2017—2018	Цяньцзінь Цюаньцзянь[d]	47 (30)
2019—2020	Сан-Паўлу	20 (5)
2021—2022	Арланда Сіці	26 (3)
2023	Сан-Паўлу	9 (2)
Зборныя
2007	Бразылія (да 20)[d]	12 (8)
2008—2013	Бразылія	28 (10)

Кар’ера

«Інтэрнасьёнал»

У 2006 годзе Алешандрэ стаў чэмпіёнам Бразыліі ва ўзроставай катэгорыі да 20 гадоў. Пасьля таго як «Інтэрнасьёнал» атрымаў перамогу ў розыгрышы Кубка Лібэртадорэс і з каманды сышлі шматлікія лідэры, клюб займеў праблемы з нападнікамі. Гэта прымусіла зьвярнуць увагу галоўнага трэнэра Абэля Брагу на ўласную школу. Адтуль прыцягнулі ў асноўны склад на той момант найлепшых маладых нападнікаў Паўднёвай Амэрыкі — Алешандрэ Пату й Луіса Адрыяну.

Гэтыя двое гульцоў па-сапраўднаму раскрыліся ў другой палове сэзону. Дэбют Пату ў чэмпіянаце Бразыліі адбыўся 26 лістапада ў матчы супраць «Палмэйрасу». «Інтэрнасьёнал» разграміў суперніка зь лікам 4:1, а Пату зрабіў тры дзейсныя перадачы й забіў сам адзін гол.

«Мілян»

2 жніўня 2007 году «Мілян» абвесьціў аб куплі Алешандрэ. За яго была выплачана мінімальная сума, абумоўленая ў кантракце футбаліста з клюбам з Порту-Алегры, то бок 22 мільёны эўра.

Першую частку новага сэзону ў «Міляне» Пату вымушаны быў правесьці па-за гульнёй. Аднак малады бразылец прымаў удзел у таварыскіх матчах новага клюбу. 13 студзеня 2008 году ў складзе «Міляну» Алешандрэ правёў свой ​​першы матч і забіў адзін гол.

«Карынтыянс»

Перйшоў у «Карынтыянс» у студзені 2013 году, Алешандрэ абышоўся бразыльскаму гранду ў 15 млн эўра.

Міжнародная кар’ера

26 сакавіка 2008 году дэбютаваў у нацыянальнай зборнай Бразыліі, забіўшы адзіны гол у матчы супраць зборнай Швэцыі.

Дасягненьні

«Інтэрнасьёнал»:

• Уладальнік Рэкопы Паўднёвай Амэрыкі: 2007
• Пераможца клюбнага чэмпіянату сьвету: 2006

«Мілян»:

• Чэмпіён Італіі: 2011
• Уладальнік Супэркубка Італіі: 2011

«Карынтыянс»:

• Чэмпіён штату Сан-Паўлу: 2013
• Уладальнік Рэкопы Паўднёвай Амэрыкі: 2013

«Арланда Сіці»:

• Уладальнік Кубка ЗША: 2022

«Сан-Паўлу»:

• Уладальнік Кубка Бразыліі: 2023

Бразылія:

• Срэбны прызэр Алімпійскіх гульняў: 2012
• Бронзавы прызэр Алімпійскіх гульняў: 2008