Алешкавічы

Але́шкавічы^[2] — вёска ў Камянецкім раёне Берасьцейскай вобласьці, за 200 м ад правага берага ракі Градаўка, за 2 км на ўсход ад аўтадарогі Берасьце — Каменюкі (Р83), за 17 км на поўдзень ад Камянцу, за 16 км на поўнач ад Берасьця, за 27 км на паўночны захад ад чыгуначнай станцыі Жабінка на лініі Берасьце — Баранавічы. Уваходзіць у Відамлянскі сельсавет.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Алешкавічы (неадназначнасьць).

Алешкавічы
трансьліт. Alieškavičy
Першыя згадкі:	XIX стагодзьдзе
Краіна:	Беларусь
Вобласьць:	Берасьцейская
Раён:	Камянецкі
Сельсавет:	Відамлянскі
Насельніцтва:	65 чал. (2010)
Часавы пас:	UTC+3
Тэлефонны код:	+375 1631
Паштовы індэкс:	225053[1]
Нумарны знак:	1
Геаграфічныя каардынаты:	52°19′19″ пн. ш. 23°42′13″ у. д.
Алешкавічы на мапе Беларусі ± Алешкавічы Алешкавічы

Гісторыя

• сярэдзіна XIX ст.: вёска ў Турнаўскай воласьці Берасьцейскага павету Гарадзенскай губэрні Расейскай імпэрыі.
• 1857: паводле 10-й рэвізіі вёска ў складзе маёнтку Дзяменічы, уласнасьць Баяроўскай, 298 рэвіскіх душ.
• 1897: паводле перапісу 59 двароў, 475 жыхароў, хлебазапасная крама, карчма.
• 1905: у вёсцы 543 жыхары.
• 1921: вёска ў складзе Турнаўскай гміны Берасьцейскага павету Палескага ваяводзтва міжваеннай Польшчы.
• 1939: у складзе Берасьцейскай вобласьці БССР.
• 1940: вёска ў Турнаўскім сельсавеце Камянецкага раёну Берасьцейскай вобласьці, 76 двароў, 231 жыхар.
• 1949: арганізаваны калгас «Свабодная Праца», дзейнічала пачатковая школа.
• 1950: 98 двароў, 353 жыхары.
• 1954: у Відамлянскім сельсавеце.
• 1956: у калгасе «Перамога».
• 1959: 289 жыхароў.
• 1970: 245 жыхароў.

Насельніцтва

• 2010 год — 65 жыхароў
• 2005 год — 60 жыхароў, 41 двор^[3]
• 1999 год — 93 жыхары

Інфраструктура

У складзе ААТ «Агра-Турна». У вёсцы працуе крама. Маецца помнік на магіле 18 партызан дывізіі Каўпака, якія загінулі 22—23 сакавіка 1944 году.