Альшанікі 1

Альша́нікі 1^[1] — вёска ў Круглянскім сельсавеце Круглянскага раёну Магілёўскай вобласьці.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Альшанікі.

Альшанікі 1
трансьліт. Aĺšaniki 1
Першыя згадкі:	1764
Краіна:	Беларусь
Вобласьць:	Магілёўская
Раён:	Круглянскі
Сельсавет:	Круглянскі
Насельніцтва:	18 чал. (2010)
Часавы пас:	UTC+3
Тэлефонны код:	+375 2234
Паштовы індэкс:	213188
Нумарны знак:	6
Геаграфічныя каардынаты:	54°13′39″ пн. ш. 29°52′22″ у. д.
Альшанікі 1 на мапе Беларусі ± Альшанікі 1 Альшанікі 1

Тапанаміка назвы

Назва вёскі паходзіць ад назвы дрэва — альха.^[2]

Геаграфія

Вёска знаходзіцца прыкладна за 5 км на ўсход ад гарадзкога пасёлку Круглае. Разьмешчана на беразе рэчкі Сітня. Вёска ляжыць у межах Аршанска-Магілёўскай і Цэнтральна-Бярэзінскай раўнін.

Гісторыя

У 1764 годзе ўладаром вёскі зьяўляўся Грушэцкі. На той час вёска ўваходзіла ў Аршанскі павет Магілёўскага ваяводзтва.

Да 17 ліпеня 1924 году вёска ў складзе Круглянскага раёну, уваходзіла у склад Аршанскай акругі Магілёўскай губэрні^[3].

Насельніцтва

• 2010 год — 18 чалавек
• 2007 год — 19 чалавек
• 1999 год — 23 чалавекі

Сельская гаспадарка

Першыя калгасы на тэрыторыі вёскі зьявіліся ў 1930—1932 гады. Да 1952 году на тэрыторыі гаспадаркі існавалі калгасы «Чырвоны араты» і «VI Партзьезд». У 1952 годзе адбылося аб’яднаньне калгасаў у адзін — «Калгас імя Дзімітрава».

Сёньня вёска ў складзе МТФ «Альшанікі» (былы СВК «Калгас імя Дзімітрава»). У калгасе працуе 30 чалавек, абслугоўваючых 751 галаву буйнога рагатага скату.^[4]

Адукацыя і вольны час

На тэрыторыі вёскі знаходзяцца:

• Вучэбна-пэдагагічны комплекс «Дзіцячы садок — пачатковая агульнаадукацыйная школа» на базе Альшаніцкай пачатковай школы (з 2010);
• Цэнтар сацыяльнага абслугоўваньня насельніцтва (з 2010);
• На базе сялянскага клюбу дзейнічае ансамбль «Лянок», які прымае ўдзел у канцэртах, ва ўсіх кутках Кругляншчыны і ў Магілёве. Ансамбль часта запрашаюць для правядзеньня народных абрадаў на вясельлях і іншых мерапрыемствах.^[4]