Аляксандар Пазьняк
беларускі футбаліст From Wikipedia, the free encyclopedia
Remove ads
Алякса́ндар Пазьня́к (нар. 23 ліпеня 1994 году) — беларускі футбаліст, абаронца «Слуцку».
Remove ads
Кар’ера
Пачынаў займацца футболам у роднай Лідзе, але першым прафэсійным клюбам спартоўца стаў гарадзенскі «Нёман». За дубль гарадзенцаў пачаў гуляць з 2011 году. На наступны год трывала замацаваўся ў дублі, а ў сэзоне 2013 году ўжо пачаў трапляць на лаву рэзэрвовых у асноўнай камандзе. У красавіку 2014 году быў аддадзены ў арэнду ў «Ліду»[5], якая гуляла ў Першай лізе. У складзе лідзкага клюбу трывала гуляў у асноўным складзе, правёўшы 13 поўных матчаў. У ліпені 2014 году вярнуўся ў «Нёман»[6].
Па вяртаньні некаторы час гуляў за клюбны дубль, а 14 верасьня 2014 году дэбютаваў у Найвышэйшай лізе ў матчы супраць магілёўскага «Дняпра», адгуляўшы ўсе 90 хвілінаў на пазыцыі цэнтральнага абаронцы. Пазьней пачаў трывала трапляць у пачатковым склад як цэнтральны, а часам левы абаронца. Сэзон 2015 году пачаў ужо ў якасьці трывала гульца першай адзінаццаткі. У студзені 2016 году на два гады падоўжыў кантракт зь «Нёманам»[7]. У лютым 2017 году падпісаў кантракт з салігорскім «Шахцёрам»[8]. Сэзон 2017 году пачынаў у стартавым складзе салігорцаў, але пазьней пераважна заставаўся на лаве запасных, гуляючы таксама за дубль.
У студзені 2018 году аддадзены ў арэнду клюбу «Гарадзея»[9]. У гарадзейскай камандзе замацаваўся ў пачатковым складзе. У сьнежні 2018 году па заканчэньні арэнды вярнуўся ў Салігорск[10]. У лютым 2019 году падпісаў кантракт з гарадзенскім «Нёманам»[11]. Аднак, згуляў за асноўную каманду гарадзенцаў толькі ў двух матчах, астатні час выступаў за дубль. У ліпені 2019 году паводле пагадненьня бакоў пакінуў «Нёман»[12]. Амаль адразу далучыўся да «Гарадзеі»[13], дзе стаў асноўным абаронцам. У лютым 2021 году праходзіў прагляд у казаскім «Кызылжары», але не падышоў камандзе і неўзабаве склаў працоўнае пагадненьне з берасьцейскім «Дынама»[14]. На полі ў складзе берасьцейскай каманды зьяўляўся зрэдку, звычайна застаючыся на лаўцы запасных. У ліпені 2021 году пакінуў «Дынама»[15] і неўзабаве далучыўся да паўночнамакедонскіх «Работнічкаў»[16], дзе замацаваўся ў стартавым складзе.
У студзені 2022 году пачаў трэнавацца зь «Менскам» і ў лютым афіцыйна стаў гульцом сталічнага клюбу[17]. Замацаваўся ў якасьці асноўнага абаронца каманды. У чэрвені 2022 году пакінуў каманду[18] і неўзабаве падпісаў кантракт з карагандзінскім «Шахтарам»[19]. У студзені 2023 году прыяднаўся да менскага «Дынама»[20], аднак ужо ў лютым быў аддадзены ў арэнду краснадарскай «Кубані» з другога расейскага дывізіёну[21]. Пакінуў «Кубань» у чэрвені 2023 году[22], а ў ліпені далучыўся да дынамаўцаў[23]. У жніўні 2023 году на ўзаемную згоду пакінуў сталічны клюб, гэтак і не згуляўшы за яго ў афіцыйных матчах[24]. Гулец стаў футбалістам берасьцейскага «Дынама»[25]. У сьнежні 2023 году паводле пагадненьня бакоў пакінуў берасьцейскі клюб[26]. У студзені 2024 году далучыўся да койданаўскага «Арсэналу»[27], дзе быў асноўным абаронцам каманды. У лютым 2025 году ўзмоцніў шэрагу «Слуцку»[28][29].
Міжнародная
У 2013—2016 гадах выступаў за моладзевую зборную Беларусі, дзе быў асноўным левым абаронцам. 26 лютага 2020 году дэбютаваў за нацыянальную зборную Беларусі ў таварыскім матчы супраць зборнай Баўгарыі (1:0), адгуляўшы ўсе 90 хвілінаў сустрэчы.
Remove ads
Статыстыка
Крыніцы
Вонкавыя спасылкі
Wikiwand - on
Seamless Wikipedia browsing. On steroids.
Remove ads