Аліта (імя)

Аліта (Алета, Алата) — мужчынскае імя і вытворнае ад яго прозьвішча.

Alitta
Паходжаньне
Мова(-ы)	германскія
Утворанае ад	Alo + суфікс з элемэнтам -т- (-t-)
Іншыя формы
Варыянт(ы)	Алета, Алата, Алут
Зьвязаныя артыкулы
якія пачынаюцца з «Аліта»

Паходжаньне

Асноўны артыкул: Імёны ліцьвінаў

Аліта або Алата (Alitta, Alathe^[1][2]) — імя германскага паходжаньня^[3]. Іменная аснова ал- (імёны ліцьвінаў Алігут, Альмін, Аламунт; германскія імёны Algut, Almin, Alamunt) паходзіць ад гоцкага alls 'увесь, кожны'^[4].

Адпаведнасьць імя Аліта германскаму імю Alitus (Allido, Aledus) сьцьвердзіў францускі лінгвіст-германіст Раймонд Шмітляйн, які на падставе шматгадовых дасьледаваньняў прыйшоў да высноваў пра германскае паходжаньне літоўскіх уласных імёнаў^[5].

У Прусіі бытавала імя Allete (1405 год)^[6].

Варыянты імя ў гістарычных крыніцах: Olita… Olitha (14 жніўня 1503 году)^[7]; Петр Алутович (1537 год)^[8]; Олитта (1553 год)^[9]; Xiedza Alipiego Ałutowicza (1796 год)^[10]; Agata Alitowicz (1810 год)^[11]; Michał Aletewicz (1819 год)^[12]; Anna Alitowicz… Jan Alitowicz… Stefania Alitowicz (1926 год)^[13].

Носьбіты

У апісаньні Берасьцейскага староства 1566 году ўпамінаецца селянін Олитка^[14].

Алеты (Олеты) — літоўскі шляхецкі род^[15].

На гістарычнай Троччыне існуе места Аліта, на 1906 год існавалі вёска і маёнтак Алатавічы ў Себескім павеце Віцебскай губэрні^[16].