Андрэас Ісаксан

Андрэас Ісаксан (па-швэдзку: Andreas Isaksson; нар. 3 кастрычніка 1981 году, Трэлеборг, Швэцыя) — швэдзкі футбаліст, брамнік нацыянальнай зборнай Швэцыі.

Андрэас Ісаксан
Пэрсанальная інфармацыя
Нарадзіўся	3 кастрычніка 1981(1981-10-03)[1][2][3] (43 гады) Трэлеборг[d], Мальмёгус[d], Швэцыя
Рост	199 см
Вага	88 кг
Пазыцыя	брамнік
Клюбы
Гады	Клюб	Гульні (галы)¹
1999	Трэлеборг[d]	11 (0)
1999—2001	Ювэнтус	0 (0)
2001—2004	Юргордэн	75 (0)
2004—2006	Рэн	62 (0)
2006—2008	Манчэстэр Сіці	19 (0)
2008—2012	ПСВ Эйндговэн	123 (0)
2012—2016	Касымпаша	104 (0)
2016—2018	Юргордэн	60 (0)
Зборныя
1997—1998	Швэцыя (да 16)[d]	19 (0)
1999	Швэцыя (да 18)[d]	1 (0)
1999—2003	Швэцыя (да 21)[d]	23 (0)
2002—2016	Швэцыя	133 (0)

Кар’ера

Клюбная

Ісаксан пачаў сваю кар’еру ў родным горадзе ў клюбе «Трэлеборг». У 1999 годзе пэрспэктыўнага маладога брамніка купіў італьянскі «Ювэнтус», але Ісаксан гэтак і не згуляў ні аднаго матчу за першую каманду турынскага клюбу.

У 2001 годзе ён вярнуўся ў Швэцыю, у клюб «Юргордэн» і выйграў зь ім чэмпіянаты краіны 2002 і 2003 гадоў, а таксама Кубак Швэцыі 2003 году. У гэты ж час ён стаў гульцом зборнай Швэцыі, дублёрам Магнуса Гэдмана.

Пасьля чэмпіянату Эўропы 2004 году Ісаксан перайшоў у францускі «Рэн», у якім гуляў разам з партнэрам па зборнай Кімам Чэльстрэмам. 15 жніўня 2006 году ісаксан за 2 мільёны фунтаў перайшоў у склад «Манчэстэр Сіці». Са сваім ростам 199 см ён стаў самым высокім футбалістам ангельскай Прэм’ер-Лігі. Праз траўмы ён згуляў свой першы матч за мяшчанаў толькі 9 сьнежня 2006 году, другі матч — 14 сакавіка 2007 году, але пасьля гэтага выходзіў на поле ва ўсіх астатніх матчах сэзону. Пачатак сэзона 2007—2008 гадоў Ісаксан таксама прапусьціў праз траўмы, а потым правёў некалькі няўпэўненых матчаў і страціў месца ў складзе, саступіўшы яго маладому Джо Гарту.

2 ліпеня 2008 году Ісаксан падпісаў зь нідэрляндзкім клюбам ПСВ кантракт да 2012 году. Пераход швэда адбыўся пасьля таго, як эйндговэнцы прадалі свайго галкіпэра Эўрэлію Гомэша ў «Тотэнгэм Готспур». Першы матч за ПСВ ён правёў 23 жніўня супраць клюбу «Фэеноорд». 9 ліпеня 2012 году было пацьверджана, што Андрэас пакінуў ПСВ, каб далучыцца да турэцкага клюбу «Касымпаша» ў якасьці вольнага агента^[4]. 11 жніўня 2016 году вярнуўся на радзіму ў клюбе «Юргордэн», дзе і скончыў кар’еру.

Міжнародная

Свой першы матч за зборную Швэцыі Ісаксан згуляў у сакавіку 2002 году. Траўма Гэдмана дазволіла Ісаксану заняць сталае месца ў браме нацыянальнай каманды, у якой ён згуляў усе акрамя аднаго матчы адборачнага турніру да чэмпіянату Эўропы 2004 году й усе матчы фінальнага турніру. Ён заставаўся асноўным брамнікам зборнай і на чэмпіянаце сьвету 2006 году, дзе згуляў 3 матчы.

Дасягненьні

«Юргордэн»:

• Чэмпіён Швэцыі: 2002, 2003
• Уладальнік Кубка Швэцыі: 2002, 2018

ПСВ:

• Уладальнік Кубка Нідэрляндаў: 2012
• Уладальнік Супэркубка Нідэрляндаў: 2008