Арцём Скітоў

Арцём Скіто́ў^[2] (нарадзіўся 21 студзеня 1991 году, Віцебск, БССР) — беларускі футбаліст, абаронца.

Арцём Скітоў
Пэрсанальная інфармацыя
Нарадзіўся	21 студзеня 1991(1991-01-21)[1] (34 гады) Віцебск, БССР, СССР
Рост	181 см
Пазыцыя	паўабаронца
Клюбы
Гады	Клюб	Гульні (галы)¹
2009—2024	Віцебск	331 (1)
Зборныя
2010—2012	Беларусь (да 21)	9 (0)

Кар’ера

Выхаванец віцебскага футболу, з 2008 году выступаў за дубль клюбу Віцебск», а ў 2009 годзе ўпершыню трапіў у асноўную каманду. У сэзоне 2011 году трывала замацаваўся ў аснове віцебскага клюбу, але паводле вынікаў сэзону «Віцебск» страціў месца ў найвышэйшай лізе. У студзені 2012 году Арцём праходзіў прагляд у гарадзенскім «Нёмане»^[3], але ў выніку застаўся ў віцебскім клюбе. У студзені 2013 году зноў быў на праглядзе ў «Нёмане»^[4], падчас якога атрымаў траўму і выбыў амаль да самага завяршэньня сэзону 2013 году^[5].

У студзені 2014 году падоўжыў кантракт зь «Віцебскам»^[6]. Стаў гуляць пераважна на пазыцыі правага абаронцы, да таго звычайна гуляў як паўабаронца. Дапамог віцебскаму клюбу паводле вынікаў сэзону 2014 году вярнуцца ў найвышэйшую лігу і дайсьці да чвэрцьфіналу Кубка Беларусі. У студзені 2015 году стала вядома, што Арцём працягне выступаць за «Віцебск» у найвышэйшай лізе^[7].

22 сакавіка 2015 году гулец забіў мяч у браму менскага «Дынама» ў матчы 1/4 фіналу Кубка Беларусі, які дапамог атрымаць гасьцявую перамогу зь лікам 1:2^[8]. У 2015—2018 гадах трывала выступаў на пазыцыі правага абаронцы. У кастрычніку 2015 годц атрымаў траўму, празь якую выбыў да сканчэньня сэзону. У наступным годзе вярнуў сабе месца ў першай адзінаццатцы.

У сэзоне 2018 году стаў капітанам віцебскай каманды і дапамог ёй заняць высокае чацьвертае месца ў чэмпіянаце Беларусі, а сам трапіў у сьпіс 22 найлепшых гульцоў чэмпіянату. У далейшым працягваў трывала зьяўляцца ў першым складзе. У студзені 2022 году падоўжыў кантракт зь «Віцебскам»^[9]. У студзені 2023 году, не зважаючы на паніжэньне «Віцебску» да Першай лігі, пастанавіў застацца ў клюбе на новы сэзон^[10]. У пачатку 2023 году перадаў функцыі капітану каманды Яну Скібскаму. У студзені 2024 году падоўжыў пагадненьне зь «Віцебскам»^[11]. Гульня 18-га тура супраць койданаўскага «Арсэнала» сталася для вэтэрана 250-й у Найвышэйшай лізе^[12]. Перад пачаткам сэзону 2025 году Скітоў пастанавіў скончыць кар’еру^[13].

Дасягненьні

• У сьпісе 22 найлепшых футбалістаў чэмпіянату Беларусі: 2018

Статыстыка

Клюб	Сэзон	Чэмпіянат
		Дывізіён	Матчы	Галы
Віцебск	2015	Найвышэйшая ліга	18	0
	2016	Найвышэйшая ліга	27	0
	2017	Найвышэйшая ліга	29	0
	2018	Найвышэйшая ліга	29	1