Ян Яўстах Тышкевіч

Ян Яўстах Тышкевіч (1571, места Берасьце — да 4 лістапада 1631) — дзяржаўны дзяяч Вялікага Княства Літоўскага. Падскарбі дворны літоўскі (1607—1611), ваявода амсьціслаўскі (1611—1615) і берасьцейскі (з 1615).

Ян Яўстах Тышкевіч

Герб «Ляліва»
Асабістыя зьвесткі
Нарадзіўся	1571[[Катэгорыя:Нарадзіліся Памылка: няслушны час.]] (?) Берасьце, Вялікае Княства Літоўскае
Памёр	1631
Род	Тышкевічы
Бацькі	Юры Тышкевіч Ганна з Катовічаў
Жонка	Соф'я зь Вішнявецкіх Кацярына зь Сямашкаў
Дзеці	Антоні Ян, Юры, Казімер, Крыштап, Фэліцыян, Канстанцыя, Сузана, Альжбета

Трымаў Дудзкае і Мазырскае староствы, Камянецкую дзяржаву. Граф на Лагойску і Бярдычаве.

Біяграфія

З лагойскай лініі роду Тышкевічаў гербу «Ляліва», сын Юрыя, ваяводы берасьцейскага, і Ганны з Катовічаў. Меў братоў Тэадора Фрыдэрыка, Марціна, Пятра, Аляксандра, Юрыя.

З 1601 быў каралеўскім ротмістрам^[1], займаў шэраг высокіх дзяржаўных пасадаў.

Першы раз ажаніўся да 1595 з князёўнай Соф’яй (? — па 1612), дачкой кашталяна кіеўскага Міхала Вішнявецкага, другі — з Кацярынай Сямашкай. У першым шлюбе нарадзіліся дзеці:

• Антоні Ян (каля 1609 — 1649), маршалак дворны літоўскі;
• Юры (? — 1656), біскуп віленскі;
• Казімер (? — 1649), падкаморы берасцейські;
• Крыштап (? — 1666), ваявода чарнігаўскі;
• Фэліцыян (? — 1649), чашнік кіеўскі;
• Канстанцыя, жонка Яна Завішы;
• Сузана, сьпярша жонка кашталяна віцебскага Яўстаха Курча, потым кашталяна наваградзкага Самуэля Статкевіча;
• Альжбета, сьпярша жонка Яна Фарэнсбаха, потым кашталяна віцебскага Мікалая Завішы^[2].