Астражанка

Астража́нка^[1] — вёска ў Лельчыцкім раёне Гомельскай вобласьці, за 5 км на ўсход ад ракі Убраці, за 38 км на паўночны ўсход ад раённага цэнтру Лельчыцаў, за 60 км ад чыгуначнай станцыі Мазыр, за 26 км ад прыстані ў горадзе Петрыкаве (на рацэ Прыпяці). Астражанка ўваходзіць у склад і зьяўляецца цэнтрам Астражанскага сельсавету.

Астражанка
трансьліт. Astražanka
Першыя згадкі:	1609
Краіна:	Беларусь
Вобласьць:	Гомельская
Раён:	Лельчыцкі
Сельсавет:	Астражанскі
Вышыня:	150 м н. у. м.
Насельніцтва:	322 чал. (2010)
Часавы пас:	UTC+3
Тэлефонны код:	+375 2356
Паштовы індэкс:	247866
СААТА:	3228804040
Нумарны знак:	3
Геаграфічныя каардынаты:	51°59′33″ пн. ш. 28°33′5″ у. д.
Астражанка на мапе Беларусі ± Астражанка Астражанка

Гісторыя

Упершыню згадваецца ў 1609 годзе як сяло.

З 20 жніўня 1924 году цэнтар сельсавету.

У лістападзе 1942 году нямецка-фашысцкія карнікі спалілі вёску і загубілі 71 жыхара.

Насельніцтва

• XIX стагодзьдзе: 1886 год — 43 двары, 350 жыхароў; 1900 год — 73 двары, каля 600 жыхароў; маёнтак — 2 двары, 17 чалавек
• XX стагодзьдзе: 1917 год — 125 двароў, 769 жыхароў; маёнтак — 23 жыхары; 1940 год — 190 двароў, 820 жыхароў; 1969 год — 245 двароў, 962 жыхары; 1998 год — 222 двары, 538 жыхароў; 1999 год — 509 жыхароў; 2000 год — 203 двары, 460 жыхароў
• XXI стагодзьдзе: 2010 год — 322 жыхары

Інфраструктура

Вэтэрынарны пункт, лясьніцтва. Сярэдняя школа, клюб, бібліятэка, аддзяленьне сувязі, фэльчарска-акушэрскі пункт, крама. Цэнтар камунальнага сельскагаспадарчага прадпрыемства «Астражанка».

Інфармацыя для турыстаў

Помнікі архітэктуры

• Брацкая магіла савецкіх воінаў. У 1960 годзе на магіле пастаўлены абэліск.
• Помнік землякам.

Страчаная спадчына

• Праваслаўная царква (пабудаваная ў 1779 годзе)

Выхадцы

Радзіма беларускага пісьменьніка М. Ф. Капыловіча.