Ашчад Банк

«Ашча́д Банк» — камэрцыйны банк Беларусі, заснаваны ў 1991 годзе пад назвай «Белпрамбудбанк»^[4].

«Ашчад Банк»
рас. Сбер Банк
Тып	ААТ[d]
Дэвіз	Захоўваем традыцыі — ствараем будучыню!
Заснаваная	28 сьнежня 1991[1]
Краіна	Беларусь
Разьмяшчэньне	Менск, Савецкі раён, бульв. Мулявіна, д. 6
Ключавыя фігуры	Сяргей Інюшын, Пётар Пракаповіч
Галіна	сфэра паслугаў
Прадукцыя	аплатная картка, банкаўскі рахунак, грашовы перавод, пазыка, уклад
Апэрацыйны прыбытак	▲426 млн Br (2021)[2]
Чысты прыбытак	▲146 млн Br (2021)[2]
Лік супрацоўнікаў	▼2015 чал. (2021)[1]
Матчына кампанія	Ашчадбанк Расеі (96,73%)
Даччыныя кампаніі	ЗАТ «БПБ-лізінг» ЗАСТ «ТАСК» УП «Кіпарыс—2» ТАА «Нарачанская Ніва 2004» ТАА «АўтаТрансГарант»[3]
Аўдытар	«Дэлойт і Туш»
sber-bank.by

Адзін з найстарэйшых і найбуйнейшых банкаў краіны. Адным з прыярытэтных кірункаў дзейнасьці банку ёсьць фінансаваньне інвэстыцыйных праектаў прадпрыемстваў разнастайных формаў уласнасьці.

Рэквізыты

БІК — 153001369. S.W.I.F.T. — BPSBBY2X. АКПА — 00040583. УНП — 100219673^[5].

Дзейнасьць

Сетка філіяў улучае: 2 прадстаўніцтвы, 7 філіяў, 28 аддзяленьняў, 6 аддзяленьняў філіяў, 74 разьлікова-касавых цэнтраў (РКЦ), 12 цэнтраў банкаўскіх паслугаў (ЦБП), 48 бюро банкаўскіх паслугаў (ББП).

На 1 кастрычніка 2010 актывы банку складалі 7,3 трлн беларускіх рублёў, статутны фонд — 416,5 млрд рублёў^[6].

Паслугі банку

• Крэдытаваньне
• Фінансаваньне інвэстыцыйных праектаў
• Гандлёвае фінансаваньне
• Разьлікова-касавае абслугоўваньне
• Электроннае банкаўскае абслугоўваньне
• Міжнародныя разьлікі
• Валютныя апэрацыі
• Паслугі па інкасацыі і дастаўцы гатоўкі і іншых каштоўнасьцяў
• Банкаўскае захоўваньне
• Разьмяшчэньне вольных грашовых сродкаў
• Апэрацыі на рынку каштоўных папераў
• Дэпазытарнае абслугоўваньне
• Паслугі з выкарыстаньнем плястыкавых картак^[7]

Мінуўшчына

У верасьні 1991 году быў заснаваны акцыянэрны камэрцыйны банк «Белпрамбудбанк». У кастрычніку 1999 году перайменаваны ў Адкрытае акцыянэрнае таварыства «Белпрамбудбанк»^[8]. У сьнежні 2009 году прададзены расейскаму «Ашчадбанку» за 280 млн даляраў і крэдытную лінію ў $2 млрд^[9].

У сакавіку 2011 перайменаваны ў «БПБ-Банк», у кастрычніку таго ж году — у «БПБ-Ашчадбанк»^[8]. 24 кастрычніка 2017 году «БПБ-Ашчадбанк» ажыцьцявіў першы ў Беларусі міжнародны разьлік з выкарыстаньнем разьмеркаванага рэестра (блёкчэйн) ў выглядзе акрэдытыва^[10]. 27 жніўня 2021 году «Белпрамбудбанк-Ашчадбанк» («БПБ-Ашчадбанк») скараціў сваю назву да «Ашчад Банк»(рас. Сбер Банк)^[11].

Банк знаходзіцца пад санкцыямі ЗША (сьпіс спэцыяльна вызначаных грамадзянаў і заблякаваных асобаў; зь лютага 2022 году)^[12], Канады (з красавіка 2023 году)^[13], Новай Зэляндыі (са жніўня 2023 году)^[12].