Бабы (Менская вобласьць)

Бабы́^[1] — вёска ў Пухавіцкім раёне Менскай вобласьці Беларусі. Уваходзіць у склад Блускага сельсавету.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Бабы (неадназначнасьць).

Бабы
трансьліт. Baby
Краіна:	Беларусь
Вобласьць:	Менская
Раён:	Пухавіцкі
Сельсавет:	Блускі
Насельніцтва:	56 чал. (2009)
Часавы пас:	UTC+3
Тэлефонны код:	+375 1713
Нумарны знак:	5
Геаграфічныя каардынаты:	53°26′8″ пн. ш. 28°17′36″ у. д.
Бабы на мапе Беларусі ± Бабы Бабы

Знаходзіцца за 27 км на паўднёвы ўсход ад раённага цэнтру, 7 км ад чыгуначнай станцыі Талька на лініі Менск-Асіповічы.

Гісторыя

Паводле перапісу 1917 году — у Пухавіцкай воласьці Ігуменскага павету Менскай губэрні. Побач з вёскай знаходзіўся аднайменны маёнтак.

У Першую сусьветную вайну ў лютым — сьнежні 1918 году была пад акупацыяй войскаў кайзэраўскай Нямеччыне.

25 сакавіка 1918 году згодна з Трэцяй Устаўной граматай вёска абвешчана часткай Беларускай Народнай Рэспублікі. З 1 студзеня 1919 году ў адпаведнасьці з пастановай І з’езду КП(б) Беларусі вёска ўвайшла ў склад БССР.

У жніўні 1919 — ліпені 1920 вёска знаходзілася пад польскай уладай.

Пасьля рэвалюцыі 1917 году створана працоўная школа 1-ай ступені. На пачатак 1930-ый гг. праведзена калектывізацыя, створаны калгас «Энэргія», працавала кузьня.

З канца чэрвеня 1941 г. акупавана нямецкімі войскамі, вёска была спалена. Пасьля вайны была адноўлена.

Насельніцтва

• 1897 год — 36 двароў, 220 жыхароў
• 1917 год — 57 двароў, 337 жыхароў.У маёнтку Азярычына памешчыка Шэвіча — 1 двор, 147 жыхароў
• 2002 год — 26 двароў, 55 жыхароў
• 2009 год — 56 чалавек^[2]

Славутасьці

• Капліца могілкавая (XIX)

Асобы

• Аляксандар Прановіч — Герой Сацыялістычнай Працы (1981).
• Уладзімер Паўловіч — беларускі фізік
• Яўген Дзятлаў (1923—2003) — беларускі архітэктар.