Багнюкі

Багнюкі́ (па-польску: Bagniuki, на мясцовай беларускай гаворцы: Багнюкі́^[2]) — вёска (солтыства Бандары) у Беластоцкім павеце Падляскага ваяводзтва Польшчы. Знаходзіцца ў гміне Міхалова.

Багнюкі
польск. Bagniuki
Мясцовая назва:	Багнюкі
Краіна:	Польшча
Ваяводзтва:	Падляскае
Павет:	Беластоцкі
Гміна:	Міхалова
Насельніцтва:	19 чал. (2013)[1]
Часавы пас:	UTC+1
летні час:	UTC+2
Тэлефонны код:	(+48) 85
Паштовы індэкс:	16-050
Нумарны знак:	BIA
Геаграфічныя каардынаты:	52°56′0″ пн. ш. 23°44′0″ у. д.
Багнюкі на мапе Польшчы Багнюкі
Галерэя здымкаў у Вікісховішчы

Побач зь вёскай праходзіць ваяводзкая дарога 687.

Насельніцтва

Жыхары вёскі этнічныя беларусы, праваслаўныя (прыход Нараджэньня Божай Маці ў Юшковым Грудзе) і каталікі (парафія Перамяненьня Панскага ў Ялаўцы^[3]), пераважна з польскай нацыянальнай ідэнтыфікацыяй.

Гісторыя

Багнюкі былі заснаваныя праўдападобна ў канцы 18 стагодзьдзя на месцы былога фальварку Міраёўшчына. Полі вёскі расшырыліся, калі ўлады ялаўскага стараства скасавалі ў 1847 г. фальварак у Рудні. У час эпідэміяў тыфу і халеры ў палове 19 ст. загінула палова насельніцтва вёскі. У 1911 г. пражывалі тут 111 чалавек, але ўсе выехалі ў бежанства ў Расею ў жніўні 1915 г.^[4]. У міжваенны пэрыяд Багнюкі належалі да гміны Ялаўка Ваўкавыскага павету Беластоцкага ваяводзтва. Паводле польскага перапісу насельніцтва 1921 г. пражывала тут 45 жыхароў (8 каталікоў, 37 праваслаўных; усе былі пагалоўна запісаныя палякамі)^[5]. Пасьля Другой сусьветнай вайны Багнюкі былі далучаныя да гміны Міхалова. У 1950 г. у Багнюках пражывала 77 чалавек і з таго маменту колькасьць насельніцтва сістэматычна спадае^[4].