Белаазёрск

Белаазёрск — места ў Беларусі, паміж азёрамі Белым і Чорным. Уваходзіць у склад Бярозаўскага раёну Берасьцейскай вобласьці. Насельніцтва на 2018 год — 12 304 чалавекі^[1]. Знаходзіцца за 27 км ад Бярозы, за 19 км ад чыгуначнай станцыі Бронная Гара (лінія Менск — Берасьце).

Белаазёрск лац. Biełaaziorsk
Агульны выгляд
Герб Белаазёрску
Дата заснаваньня:	1958
Горад з:	1970
Краіна:	Беларусь
Вобласьць:	Берасьцейская
Раён:	Бярозаўскі
Вышыня:	148 м н. у. м.
Насельніцтва:	12 304 чал. (2018)[1]
Часавы пас:	UTC+3
Тэлефонны код:	+375 1643
Паштовыя індэксы:	225205, 225215
СААТА:	1208510000
Нумарны знак:	1
Геаграфічныя каардынаты:	52°28′18″ пн. ш. 25°10′42″ у. д.
Белаазёрск на мапе Беларусі ± Белаазёрск Белаазёрск
Галерэя здымкаў у Вікісховішчы
https://bereza.brest-region.gov.by

Гісторыя

Гісторыя Белаазёрску пачынаецца ў 1958 годзе з заснаваньнем на месцы вёскі Ніўкаў пасёлку энэргетыкаў у зьвязку з будаваньнем Бярозаўскай ДРЭС. 12 студзеня 1960 году паселішча пераўтварылі ў працоўны пасёлак Бярозаўскі, які стаў цэнтрам Бярозаўскага пасялковага савету. 25 чэрвеня 1960 году паселішча атрымала назву Белаазёрск (ад возера Белага) і стала цэнтрам Белаазёрскага пасялковага савету. 29 сьнежня 1961 году Бярозаўская ДРЭС дала першы прамысловы ток. У 1970 годзе Белаазёрск атрымаў афіцыйны статус гораду раённага падпарадкаваньня. 15 сакавіка 1971 году ён стаў адміністрацыйным цэнтрам Белаазёрскага сельсавету. 17 верасьня 2013 году ў зьвязку зь ліквідацыяй Белаазёрскага сельсавету места страціла статус адміністрацыйнага цэнтру^[2].

Насельніцтва

Дэмаграфія

• XX стагодзьдзе: 1969 год — 6,4 тыс. чал.^[3]; 1991 год — 11,4 тыс. чал.; 1995 год — 12,8 тыс. чал.^[4]
• XXI стагодзьдзе: 2005 год — 13,4 тыс. чал.; 2006 год — 12,9 тыс. чал.; 2009 год — 12 519 чал.^[5] (перапіс); 2016 год — 12 468 чал.^[6]; 2017 год — 12 421 чал.^[7]; 2018 год — 12 304 чал.^[1]

Інфраструктура

У Белаазёрску працуюць 3 сярэднія школы, прафэсійна-тэхнічная вучэльня, лякарня, 2 бібліятэкі. У 1992—1995 гадох у месьце збудавалі царкву Сьвятога Серафіма Сароўскага.

Эканоміка

Прадпрыемствы энэргетычнай, лёгкай, харчовай прамысловасьці.

• Белаазёрскі энэргамэханічны завод — адзіны ў Беларусі вытворца энэргетычнага абсталяваньня і запасных частак для цеплавых электрастанцыяў
• Белаазёрскі ЗБВ — вытворца ходнікавай пліткі, сьценавых блёкаў, дарожнага і ходнікавага бардзюра
• Бярозаўская ДРЭС
• Сумеснае беларуска-гішпанскае абутковае прадпрыемства «Белкельмэ»
• Вытворча-ўнітарнае прадпрыемства «Белаазёрскі завод ячэістага бэтону (БЗЯБ) «Осмас»

Турыстычная інфармацыя

Гасьцініца

Спыніцца можна ў гасьцініцы Бярозаўскай ДРЭС.

Асобы

Жыхары

• Ніна Мацяш (1943—2008) — беларуская паэтка і перакладніца