Вадзім Спрынчан

Вадзі́м Бранісла́вавіч Спрынча́н (нар. 14 студзеня 1950, Гомель) — беларускі паэт.

Вадзім Спрынчан
Асабістыя зьвесткі
Нарадзіўся	14 студзеня 1950(1950-01-14) (75 гадоў) Гомель, БССР, СССР
Бацькі	Браніслаў Спрынчан
Дзеці	Аксана Спрынчан
Літаратурная дзейнасьць
Род дзейнасьці	перакладнік, пісьменьнік, паэт
Мова	расейская мова

Біяграфія

Нарадзіўся 14 студзеня 1950 году ў Гомелі ў сям’і беларускага паэта Браніслава Спрынчана. Разам з бацькамі ў 1963 годзе пераехаў у Менск.

У 1972 годзе скончыў філялягічны факультэт Беларускага дзяржаўнага ўнівэрсытэту. У Менску абраўся шлюбам з Настасьсяй Паўлюкавец, зь якой разам навучаліся на філфаку. У 1973 годзе ў родным горадзе жонкі Лунінцы нарадзілася дачка — Аксана^[1].

У 1972—1989 гадох працаваў рэдактарам, загадчыкам рэдакцыі паэзіі выдавецтва «Мастацкая літаратура».

З 1982 году — сябра Саюзу пісьменьнікаў СССР^[2].

З 2003 па 2014 гады працаваў рэдактарам аддзелу паэзіі ў часопісе «Полымя».

Творчасьць

Піша на расейскай мове. Дэбютаваў у друку зь перакладамі паэзіі ў 1976 годзе (часопіс «Нёман»). Аўтар кніг лірыкі «Земля и звёзды» (1981) і «Свет неделимый» (1990).

Пераклаў на расейскую мову вершы беларускіх паэтаў Аляксея Пысіна, Рыгора Барадуліна, Міхася Стральцова, Генадзя Пашкова, Яўгеніі Янішчыц, Анатоля Канапелькі і іншых.