Варанцэвічы (аграгарадок)

Варанцэ́вічы^[1] — аграгарадок у Беларусі, адміністрацыйны цэнтар Воўкавіцкага сельсавету Талачынскага раёну Віцебскай вобласьці.

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Варанцэвічы.

Варанцэвічы лац. Varancevičy
Першыя згадкі:	1501
Краіна:	Беларусь
Вобласьць:	Віцебская
Раён:	Талачынскі
Сельсавет:	Воўкавіцкі
Насельніцтва:	224 чал. (2010)
Часавы пас:	UTC+3
Тэлефонны код:	+375 2136
СААТА:	2246808026
Нумарны знак:	2
Геаграфічныя каардынаты:	54°22′5.5″ пн. ш. 29°54′21.5″ у. д.
Варанцэвічы на мапе Беларусі ± Варанцэвічы Варанцэвічы

Гісторыя

Першы пісьмовы ўспамін пра Варанцэвічы датуецца 1501 рокам. У 1567 року мястэчка належала Ю. Радзівілу й уваходзіла ў склад Аршанскага павету Вялікага Княства Літоўскага. Пасьля першага падзелу Рэчы Паспалітай у 1772 року вёска апынулася ў складзе Расейскай імпэрыі.

У XIX стагодзьдзе мястэчка належала шляхцічам Воўк-Ланеўскім. Па стане на 1886 рок у Варанцэвічах налічвалася 8 двароў і 33 жыхары, была багадзельня, праваслаўная прыходзкая царква. У 1887 року была адчыненая прыходзкая школа. На пачатку XХ стагодзьдзя ў мястэчку ўжо налічвалася 23 двары й пражывала больш за 100 жыхароў. У 1924 року ў Варанцэвічах было ўжо 145 жыхароў. У школе навучалася каля 100 вучняў.

Ёсьць Дом культуры, бібліятэка, дзіцячы садок і ўчастковая больніца^[2].

Насельніцтва

• 2010 год — 224 чалавекі
• 1999 год — 264 чалавекі