Васіль Рагуля

Васіль Цімафеевіч Рагуля (16 ліпеня 1879, в. Ачукевічы, Наваградзкі павет — 16 чэрвеня 1955, Нью-Ёрк), беларускі грамадзка-палітычны дзяяч. Пасол польскага сойму ў 1922 годзе і сэнатар польскага сойму 1928 году. Калябарант.

Васіль Рагуля лац. Vasil Rahula
Бурмістар Зьдзецелу
? — 1944
Прэзыдэнт	Радаслаў Астроўскі
Сэнатар Польшчы
1928 — ?
Пасол Польшчы
1922 — 1927
Асабістыя зьвесткі
Нарадзіўся	16 (28) ліпеня 1879 Ачукевічы, Наваградзкі павет, Менская губэрня, Расейская імпэрыя
Памёр	16 чэрвеня 1955(1955-06-16) (75 гадоў) Нью-Ёрк, Нью-Ёрк, ЗША
Партыя	Беларускі сялянскі саюз
Адукацыя	Віленскі настаўніцкі інстытут[d]

Вікіпэдыя мае артыкулы пра іншых асобаў з прозьвішчам Рагуля.

Біяграфія

У 1898 годзе скончыў школу ў Маладэчне. Скончыў Віленскі настаўніцкі інстытут у 1900 годе, працаваў настаўнікам. Удзельнік Першай сусьветнай вайны. Удзельнік 1-га Усебеларускага кангрэсу. У 1922 годзе абраны дэпутатам у польскі сойм ад Блёку нацыянальных меншасьцяў, у 1928 годзе ад таго ж блёку — у сэнат. Уваходзіў у Беларускі пасольскі клюб. Арыштоўваўся польскімі ўладамі.

У 1930-х працаваў на сялянскай гаспадарцы. Пасьля далучэньня Заходняй Беларусі да БССР — 20 чэрвеня 1941 году арыштаваны савецкімі органамі дзяржбясьпекі, з пачаткам ВАВ уцёк з турмы.

Другі Ўсебеларускі кангрэс. Радаслаў Астроўскі на трыбуне падчас справаздачы. На пярэднім пляне — Фабіян Ярэміч, за ім — Васіль Рагуля.

Падчас нямецкай акупацыі — бурмістар Зьдзецелу. Удзельнік 2-га Усебеларускага кангрэсу.

Зь лета 1944 году — на эміграцыі. Жыў у Нямеччыне, Бэльгіі.

Творчасьць

• Успаміны (1957, Нью-Ёрк)
• Лісты В. Рагулі да Юркі Віцьбіча // Архэ 2-2002

Літаратура

• Рагуля Васіль // Лявон Юрэвіч. Літаратурны рух на эміграцыі. Менск, БГА, 2002.
• РАГУЛЯ Васіль Цімафеевіч // Маракоў Л.У. Рэпрэсаваныя літаратары, навукоўцы, работнікі асветы, грамадскія і культурныя дзеячы Беларусі, 1794—1991. Энц. даведнік. У 10 т. Т. 2. — Мн:, 2003. ISBN 985-6374-04-9.
• Аляксандр Адзінец. Выкладчык маіх універсітэтаў // Салідарнасьць № 42 (533), 28 кастрычніка 2005

Вонкавыя спасылкі

• РАГУЛЯ Васіль Цімафеевіч // «Адраджэнцы Беларусі», выданьне культурна-асьветнага клюбу «Спадчына», прысьвечанае 90-годзьдзю абвяшчэньня незалежнасьці Беларускай Народнай Рэспублікі.