Вельямовічы

Вельямо́вічы^[1] — вёска ў Беларусі, каля Матыкальскага канала. Уваходзяць у склад Матыкальскага сельсавету Берасьцейскага раёну Берасьцейскай вобласьці.

Вельямовічы лац. Vieljamovіčy
Першыя згадкі:	1558
Краіна:	Беларусь
Вобласьць:	Берасьцейская
Раён:	Берасьцейскі
Сельсавет:	Матыкальскі
Насельніцтва:	496 чал. (2010)
Часавы пас:	UTC+3
Тэлефонны код:	+375 162
Нумарны знак:	1
Геаграфічныя каардынаты:	52°13′16.9″ пн. ш. 23°25′51.1″ у. д.
Вельямовічы на мапе Беларусі ± Вельямовічы Вельямовічы
Галерэя здымкаў у Вікісховішчы

Гісторыя

Вялікае Княства Літоўскае

Паводле «Кнігі запісаў», сяло Вельямовічы (Вільямовічы) у 1558 годзе разьмяшчалася каля возера й мела мяжу з выганамі маёнтку Бярніцкага й сёламі Таратунавічамі, Памаранцамі, Семянічкамі. У 1772 годзе вёска ўпамінаецца як Вілановічы.

Пад уладай Расейскай імпэрыі

У выніку трэцяга падзелу Рэчы Паспалітай (1795 год) Вельямовічы апынуліся ў складзе Расейскай імпэрыяй, у Гарадзенскай губэрні.

У 1863 годзе ў Вельямовічах адкрылася расейская школа. На 1886 год у вёсцы было 29 двароў, дзеялі 2 царквы, працаваў шынок.

Найноўшы час

25 сакавіка 1918 году згодна з Трэцяй Устаўной граматай Вельямовічы абвяшчаліся часткай Беларускай Народнай Рэспублікі. 1 студзеня 1919 году ў адпаведнасьці з пастановай І зьезду КП(б) Беларусі яны ўвайшлі ў склад Беларускай ССР, у Берасьцейскі павет («падраён») Баранавіцкага раёну^[2]. Паводле Рыскай мірнай дамовы 1921 году вёска апынулася ў складзе міжваеннай Польскай Рэспублікі, у Палескім ваяводзтве.

У 1939 годзе Вельямовічы ўвайшлі ў БССР. На 1941 год у вёсцы было 86 двароў. У нямецка-савецкую вайну немцы зьнішчылі 18 двароў, забілі 8 мірных жыхароў, 7 вывезьлі ў Нямеччыну (зь іх 4 вярнуліся дадому); 19 загінулі на фронце. У жніўні 1949 годзе савецкія ўлады ўтварылі калгас імя Гастэлы, у які ўступілі 48 гаспадарак з 107. На 1997 год у Вельямовічах было 185 двароў^[3].

Насельніцтва

Дэмаграфія

• XIX стагодзьдзе: 1868 год — 177 чал., зь іх 85 муж. і 92 жан.; 1886 год — 287 чал.
• XX стагодзьдзе: 1905 год — 546 чал. у сяле Вельямовічах і 6 чал. у маёнтку Вельямовічах; 1941 год — 433 чал.; 1997 год — 550 чал.; 1999 год — 545 чал.
• XXI стагодзьдзе: 2010 год — 496 чал.

Інфраструктура

Сярэдняя школа зьявілася ў 1863, клюб, бібліятэка й фэльчарска-акушэрскі пункт

Славутасьці

Царква Ўшэсьця Гасподняга. Сучасны выгляд

• Парк пры сядзібе Дабрынецкіх
• Царква Ўшэсьця Гасподняга (1868 год; мураўёўка)