Віктар Рахманько

Віктар Рыгоравіч Рахманько (нар. 24 верасьня 1953 году ў Наваградку) — беларускі чыгуначны дзеяч і палітык.

Віктар Рахманько
Начальнік Беларускай чыгункі
10 кастрычніка 1998 — 22 лістапада 2001
Прэзыдэнт	Аляксандар Лукашэнка
Прэм’ер-міністар	Сяргей Лінг, Уладзімер Ярмошын, Генадзь Навіцкі, Сяргей Сідорскі
Папярэднік	Яўген Валадзько (?)
Наступнік	Васіль Гапееў
Асабістыя зьвесткі
Нарадзіўся	24 верасьня 1953 Наваградак
Адукацыя	БелДУТ

Кар'ера

Скончыў Беларускі інстытут інжынэраў чыгуначнага транспарту (1980). Пасьля службы ў савецкай арміі працаваў на розных пасадах у менскім і баранавіцкім аддзяленьнях Беларускай чыгункі. З 1986 да 1994 году быў дэпутатам Баранавіцкага гарадзкога савету. У 1996 году стаў дэпутатам Савету Рэспублікі Нацыянальнага сходу Рэспублікі Беларусь 1-га скліканьня; быў абраны туды паўторна ў 2000 годзе.

10 кастрычніка 1998 году быў прызначаны Начальнікам беларускай чыгункі ^[1].

28 кастрычніка 1998 году ўзнагароджаны быў адзнакай «Заслужаны работнік транспорту Рэспублікі Беларусь» ^[2]. 26 чэрвеня 2000 году ўзнагароджаны быў Ганаровай граматай Нацыянальнага сходу Рэспублікі Беларусь ^[3].

«Справа Рахманька»

У канца 2001 году кар’ера Рахманькі перарвалася. 21 лістапада 2001 году генэральны пракурор узбудзіў крымінальную справу супраць Рахманька. Ўжо ў наступны дзень, 22 лістапада 2001 году ён быў адстаўлены зь пасады Начальніка Беларускай чыгункі ^[4]. 5 сьнежня 2001 году яму выставілі абвінавачаньне ў злоўжываньні службовымі паўнамоцтвамі ды крадзяжы маёмасьці ў асабліва вялікіх памерах. Гэткія абвінавачаньні былі ўпершыню прад’яўленыя сэнатару ^[5][6].

22 жніўня 2003 году пастанаўленьнем Савету Рэспублікі фармальна страціў мандат дэпутата Савету Рэспублікі ^[7].