Гавіла

Гавіла (Гавуль, Гавел, Гавэл) — мужчынскае імя і вытворнае ад яго прозьвішча.

Gavilo
Паходжаньне
Мова(-ы)	германскія
Утворанае ад	Gawo + суфікс з элемэнтам -к- (-k-)
Іншыя формы
Варыянт(ы)	Гавуль, Гавел, Гавэл
Зьвязаныя артыкулы
якія пачынаюцца з «Ґавіла»

Паходжаньне

Асноўны артыкул: Імёны ліцьвінаў

Гавіла, пазьней Гавуль (Gavilo, Gaul^[1]) — імя германскага паходжаньня^[2]. Іменная аснова -гаў- (імёны ліцьвінаў Гавень, Гаўвід, Гаўгонт; германскія імёны Gavienus, Gauwida, Gavigunt) паходзіць ад гоцкага gawi^[3], германскага gaawja 'мясцовасьць, багатая воднымі крыніцамі; месца пасяленьня'^[4].

У 1637 годзе ў Каралявецкім унівэрсытэце навучаўся Johannes Albertus Gevel, Regiomontanus Prussus^[5]. У Прусіі (ваколіцы Мэмэлю) існавала вёска Gawillen (Gawellen)^[6].

Варыянты імя ў гістарычных крыніцах: на бояръ и на сторожовъ господарьскихъ Городенского жъ повѣту… на Болтромея а Павла, а Стася Говиловичовъ (9 ліпеня 1539 году)^[7]; Кгавелъ Суткевичъ^[8], Кгавелъ Станиславовичъ^[9], Кгавелъ^[10], Кгавелъ Крыштофовъ^[11], Кгавелъ Военский^[12], Кгавелъ Павловичъ Бакгински^[13] (1567 год); Jan Gawel (1802 год)^[14].

Носьбіты

• Іван Іванавіч Гавель — селянін з ваколіцаў Езяросаў, які меў у валоданьні зямлю на 1889 год^[15]

Гавулі (Gawul) — прыгонныя зь вёскі Крукаў (каля Камаяў), якія ўпамінаюцца ў XIX стагодзьдзі^[16].